लोणावळा (पुणे) : मुंबई-पुणे एक्स्प्रेस वेवर शनिवारी पहाटे अडीचच्या सुमारास लोणावळ्याजवळील किमी ५४ जवळ एक डस्टर कार अचानक लागलेल्या आगीत जळून खाक झाली.
पुणे मार्गिकेवर ही दुर्घटना घडली आहे. सुदैवाने यामध्ये कोणतीही जीवितहानी झाली नाही. मात्र, आगीमध्ये कार जळून खाक झाली आहे.
या घटनेची माहिती समजल्यानंतर महामार्गावरील देवदूत यंत्रणा व आयआरबी पथक यांनी घटनास्थळी धाव घेतली. त्यासोबतच ही आग विझवण्याचा प्रयत्न केला. मागील काही दिवसांमध्ये एक्स्प्रेस वेवर अनेक वाहने जळून खाक झाली आहेत.