पुणे: तो चुलत भावासोबत रस्त्याने विरुद्ध दिशेने बुलेटवर जात होता. अचानक कारचा दरवाजा उघडल्याने तो गाडीवरून खाली पडला अन् त्याच्या डोक्यावरून टेम्पो गेल्याने जागीच मृत्यू झाला. हा सर्व प्रकार सीसीटीव्हीत कैद झाला आहे. दिघीत राम बाळासाबहेब बागल (वय 24) त्याच्या भावासोबत रस्त्यावरून गाडीवरून विरुद्ध दिशेने जात होता. त्यावेळेस रस्त्यावर उभारलेल्या कारमधील व्यक्तीने अचानक कारचा दरवाजा उघडला. गाडी कारच्या दरवाजाला धडकली आणि दोघेही गाडीवरून खाली पडले. खाली पडलेल्या रामच्या डोक्यावरून टेम्पो गेल्याने त्याचा जागीच मृत्यू झाल्याची घटना घडली आहे.
चुलत भावासह चौघावर दिघी पोलिस ठाण्यात गुन्हा दाखल केला आहे. या अपघातानंतर टेम्पो चालक घटनास्थळावरून पसार झाला होता. युनिट तीनच्या पथकाने टेम्पो चालकाचा पाठलाग करत बेड्या ठोकल्या आहेत. विरुद्ध दिशेने भावासाबोत जात असलेल्या रामला भीषण अपघातात जीव गमवावा लागलेला आहे. वाहने रस्त्याला उभी केल्यानंतर काळजी घेण्याचे आवाहन वाहतूक विभागाकडून नेहमी केले जाते. विरुद्ध दिशेने गाडीवरून प्रवास करणे जीवावर बेतल्याची घटना दिघीत घडली आहे.