पुणे : राज्याच्या विधानसभा निवडणुकीमध्ये महायुतीला मोठे यश मिळाले. त्यात सर्वात मोठा वाटा देवेंद्र फडणवीस यांचाच आहे. त्यामुळे त्यांना आता मुख्यमंत्रीपद मिळावे यासाठी भारतीय जनता पक्षाच्या शहर शाखेतर्फे सारसबागेतील सिद्धिविनायक मंदिरात होम हवन आणि महाआरती करण्यात आली.शहराध्यक्ष धीरज घाटे यांनी याचे आयोजन केले होते. कोथरूडचे आमदार चंद्रकांत पाटील, कसब्याचे आमदार हेमंत रासने, प्रदेश प्रवक्ते संदीप खर्डेकर, सुशील मेंगडे, पुनीत जोशी, वर्षा तापकीर, राहुल भंडारे, महेश पुंडे, राजेंद्र शिळीमकर, सुशील मेंगडे, गणेश कळमकर, प्रमोद कोंढरे आदी पदाधिकारी, कार्यकर्ते उपस्थित होते. घाटे म्हणाले की, राज्यातील महायुतीच्या विजयाचे खरे शिल्पकार देवेंद्र फडणवीस हेच आहेत. मागील वेळी भाजपने मोठेपणा दाखवून एकनाथ शिंदे यांना मुख्यमंत्रीपद दिले. आता शिंदे आपल्या मनाचा मोठेपणा दाखवतील, केंद्रात त्यांना मोठे पद देऊन भाजप त्यांचा सन्मान ठेवेल.”
Devendra Fadnavis : देवेंद्र फडणवीस यांना मुख्यमंत्रीपद मिळावे म्हणून कार्यकर्त्यांचे सिद्धिविनायकाला साकडे
By राजू इनामदार | Updated: November 27, 2024 19:07 IST