Corona virus : पुणे शहरात बुधवारी १७५१ रुग्णांची भर, कोरोनाबधितांची संख्या ४२ हजार ४६६ वर
By ऑनलाइन लोकमत | Published: July 23, 2020 01:12 AM2020-07-23T01:12:00+5:302020-07-23T01:13:49+5:30
दिवसभरात ८८३ रुग्ण झाले बरे ,कोरोनामुक्त झालेल्यांची संख्या २५ हजार १२९
Corona virus : पुणे शहरात बुधवारी १७५१ रुग्णांची भर, कोरोनाबधितांची संख्या ४२ हजार ४६६ वर
३३ जणांचा मृत्यू
लोकमत न्यूज नेटवर्क
पुणे : शहरातील कोरोनाबाधित रुग्णसंख्येत बुधवारी १ हजार ७५१ रूग्णांची भर पडली असून कोरोनाग्रस्तांचा एकूण आकडा ४२ हजार ४६६ झाला आहे. दिवसभरात बरे झालेल्या ८८३ जणांना घरी सोडण्यात आले आहे. विविध रुग्णालयातील ६०९ रुग्ण अत्यवस्थ असून दिवसभरात एकूण ३३ रुग्णांचा मृत्यू झाला आहे. तर, प्रत्यक्षात सक्रिय रुग्णसंख्या १६ हजार २६९ झाली आहे.
उपचार घेत असलेल्या रुग्णांपैकी ६०९ जणांची प्रकृती चिंताजनक आहे. यातील ९४ रुग्ण व्हेंटिलेटरवर असून ५१५ रुग्ण आयसीयूत उपचार घेत आहेत.
दिवसभरात ३३ मृतांची नोंद करण्यात आली आहे. कोरोनामुळे मृत्यू झालेल्यांची एकूण संख्या १०६८ झाली आहे. दिवसभरात एकूण ८८३ रुग्ण आजारातून बरे झाल्याने घरी सोडण्यात आले आहेत. आजारातून बरे झालेल्यांची एकूण संख्या २५ हजार १२९ झाली आहे. तर एक्टिव्ह रूग्णांची संख्या १६ हजार २६९ झाली आहे.
-------------
दिवसभरात विविध केंद्रांवर एकूण ७ हजार ५९५ नागरिकांची स्वाब तपासणी करण्यात आली असून आतापर्यंत २ लाख २३ हजार ३९ रूग्णांची तपासणी करण्यात आली आहे.
