पुणे : महाराष्ट्रातील राजकारणात भाजप आणि शिवसेनेत खडाजंगी सुरु झाली आहे. दोन्ही पक्षातील नेते एकमेकांवर टीकाही करू लागले आहेत. खासदार संजय राऊत आणि भाजपचे नेते किरीट सोमय्या यांच्या तर आरोप - प्रत्यारोपांचा खेळच सुरु आहे. त्यामध्ये संजय राऊत यांनी किरीट सोमय्या यांच्याबद्दल बोलताना शिवराळ भाषा वापरली होती. त्यावरून भाजपच्या नेत्यांनी राऊत यांच्यावर टीका करण्यास सुरवात केली आहे.
भाजप नेत्या चित्रा वाघ यांनी सुद्धा ट्विटरच्या माध्यमातून संजय राऊत यांना टोला लगावला आहे. शिव्या द्यायला शिवशिवणाऱ्या शिवराळ मनस्थितीचं नाव “सर्वज्ञानी” असं त्या म्हणाल्या आहेत. तर ''गधे को दिया मान…गधा पहुँचा आसमान'' असा हिंदीतल्या म्हणीतील टोला राऊत यांना लगावला आहे.
''गधे को दिया मान…गधा पहुँचा आसमान'' या म्हणीचा अर्थ गाढवाला सन्मान दिल्यावर तो स्वतःलाही साहेबापेक्षा मोठा समजू लागतो. असं चित्रा वाघ म्हणीच्या माध्यमातून सांगत आहेत. वाघ यांनी त्याखाली #शिवीगाळ हा हॅशटॅगही वापरला आहे. त्यामुळे याबाबत आता सोशल मीडियात चर्चा रंगली आहे.
शिवसेनेचे नेते खासदार संजय राऊत हे मागील काही दिवसांपूर्वी भाजपचे माजी खासदार किरीट सोमय्या यांच्यावर काही आक्षेपार्ह शब्दांचा वापर केला जात असल्याची टीका भाजपकडून केली जात आहे. 'देशाच्या राजकारणात मोठे बदल घडत असून 2024 नंतर स्वच्छ आणि पारदर्शी सरकार येणार. त्यानंतर देशाच्या राजकारणातून सोमय्यासारखे ............. लोक नाहीसे होतील," अशी टिपण्णी राऊत यांनी सोमय्या यांच्यावर केली होती
सोमय्यांनीही त्याला प्रत्युत्तर दिले होते. मी संजय राऊतांना सांगणार आहे की, एकदाच मला शिव्यांची डिक्शनरी देऊन टाका, उगाच माझ्या आईला सारखा सारखा संताप नको, अशा खोचक शब्दांत राऊतांवर पलटवार केला आहे. राऊत आणि सोमय्या यांच्या या शाब्दिक चकमकीमध्ये आता चित्रा वाघ यांनीही हात घातला आहे.
'शिव्या द्यायला शिवशिवणार्या शिवराळ मनस्थितीचं नाव “सर्वज्ञानी” गधे को दिया मान…गधा पहुँचा आसमान,’ असं वाघ यांनी ट्विटमध्ये म्हटलं आहे. त्याखाली त्यांनी #शिवीगाळ हा हॅशटॅग वापरला आहे. त्यामुळे वाघ यांनी राऊतांना जोरदार टोला लगावल्याची चर्चा आहे.