पुणे : महाराष्ट्राच्या राजकारणात विरोधकांवर शाब्दिक फटकेबाजी करणारे चंद्रकांतदादा आज क्रिकेटच्या मैदानात फटकेबाजी करताना दिसून आले. पाटील यांच्या हस्ते मावळ तालुक्यातील चांदखेड येथील बारमुख क्रिकेट स्टेडियमचे उदघाटन केले. यावेळी खेळाडूंना प्रोत्साहन देण्यासाठी नामदार चंद्रकांत पाटील यांनीही क्रिकेटच्या मैदानात फटकेबाजी केली. यावेळी माजी मंत्री बाळा भेगडे, माजी जिल्हा परिषद सदस्य अतुल देशमुख, पंचायत समिती सदस्य दत्तात्रय माळी, सरपंच मीना माळी आदी उपस्थित होते.
मावळ तालुक्यातील चांदखेड येथील बारमुख क्रिकेट स्टेडियमचं उद्वघाटन केलं. स्टेडियममुळे या भागातील खेळाडूंची सोय झाली आहे. याशिवाय वेळसे पवनानगर येथील क्रिकेट स्टेडियमचा प्रस्ताव लवकरच मार्गी लावण्यात येणार आहे. इनडोअर आणि आऊटडोअर खेळासाठी आणखी स्टेडियम उभारावे यासाठी जिल्हा नियोजन समितीतून निधी उपलब्ध करुन देण्यात येईल, अशी ग्वाही पाटील यांनी यावेळी दिली.