ठळक मुद्देबिबवेवाडीतील कोंढवा चौकात घडला अपघात : पोलिसाची प्रकृती गंभीरभरधाव कार थेट पोलिसाच्या अंगावर : चालकासह गाडी ताब्यात
पुणे : वाहतुकीचे नियमन करत असताना भरधाव कारने थेट पोलिसाला उडवल्याची घटना पुण्यातील बिबवेवाडी भागात घडली आहे. बुधवारी सकाळी साडे दहाच्या सुमारास ही घटना घडली. बाळासाहेब दगडे असे संबंधित वाहतूक पोलिसाचे नाव असून या अपघातात ते गंभीर जखमी आहेत.
याबाबत अधिक माहिती अशी की, दगडे हे कोंढवा चौकातील बिबवेवाडी भागातील बँक ऑफ महाराष्ट्र समोरील चौकात नेहमीप्रमाणे वाहतूक नियमन करत होते.यावेळी स्विफ्ट डिझायनर भरधाव वेगाने आली आणि थेट त्यांना धडक दिली. दत्तात्रय अरुण जाधव नावाची व्यक्ती ही गाडी चालवत होती. संबंधित चालकाचा ट्रॅव्हलचा व्यवसाय असून गाडीसह चालकाला ताब्यात घेतले आहे.दरम्यान दगडे यांची प्रकृती गंभीर असून त्यांच्यावर खासगी रुग्णालयात उपचार सुरु आहेत.