काळ्या काचांच्या विरोधात मोहीम

वाहनांच्या काळ्या काचा काढून टाकाव्यात अन्यथा कारवाई केली जाईल, अशा सूचना देऊनही त्याचे पालन वाहनचालकांनी न केल्यामुळे

पुणे : वाहनांच्या काळ्या काचा काढून टाकाव्यात अन्यथा कारवाई केली जाईल, अशा सूचना देऊनही त्याचे पालन वाहनचालकांनी न केल्यामुळे अखेर वाहतूक विभागाने कारवाईचा बडगा उगारला असून, वाहनांच्या काळ्या काचांच्या विरोधात वाहतूक पोलिसांनी धडक कारवाई मोहीम राबविण्यास सुरूवात केली आहे. गेल्या तीन दिवसांमध्ये १४०४ वाहनांवर कारवाई करण्यात आली असून, काचांच्या काळ्या फिती काढून टाकण्यात आल्या. यामध्ये २ लाख ८५ हजार १०० रुपयांचा दंड वसूल करण्यात आला.
वाहनांच्या काचांना काळ्या फिती लावण्यास मोटार वाहन कायद्याअंतर्गत बंदी आहे.