खूनप्रकरणी दोघांना अटक

किरकोळ कारणावरून तरुणाच्या डोक्यात सिमेंटच्या ब्लॉकने मारहाण करून त्याचा खून केल्याप्रकरणी सिंहगड रोड पोलिसांनी दोघांना अटक केली.

पुणे : किरकोळ कारणावरून तरुणाच्या डोक्यात सिमेंटच्या ब्लॉकने मारहाण करून त्याचा खून केल्याप्रकरणी सिंहगड रोड पोलिसांनी दोघांना अटक केली.
रवी देविदास कांबळे (वय २०, रा. हिंगणे) आणि विजय गणेश देवलेकर (वय १९, रा. हिंगणे) अशी त्यांची नावे आहेत. याप्रकरणी आणखी दोघांचा शोध सुरू आहे. ही घटना १२ आॅक्टोबर रोजी पहाटे ही घडली असून, त्यात संदीप लक्ष्मण निंगुळे (वय १९, रा. आनंदनगर) याचा खून झाला होता़ याप्रकरणी त्यांचा भाऊ संजय निंगुळे (वय २१) यांनी फिर्याद दिली आहे.
दोघांना गुरुवारी न्यायालयात हजर करण्यात आले. त्यांच्या साथीदारांना अटक करायची आहे. त्यामुळे त्यांना पोलीस कोठडी देण्याची विनंती सरकारी वकील उज्ज्वला पवार यांनी केली. न्यायालयाने त्यांना १६ आॅक्टोबरपर्यंत पोलीस कोठडीत ठेवण्याचे आदेश दिले आहेत.
(प्रतिनिधी)