लोकमत न्यूज नेटवर्क
जेजुरी : पुरंदर तालुक्यातील बेलसर गावाजवळील कऱ्हानदीच्या पात्रात रात्रीच्या वेळी जेसीबी मशीनच्या साहाय्याने चोरून वाळू काढत असताना येथील सतर्क नागरिकांनी याबाबत जेजुरी पोलिसांना माहिती दिली. जेजुरी पोलिसांनी याबाबत दोघाजणांना अटक करून जेसीबी मशीन आदी वाहने ताब्यात घेतल्याची माहिती पोलीस निरीक्षक सुनील महाडिक यांनी सांगितले.
सोमनाथ रामराव जगताप (रा. मावडी कडेपठार, ता पुरंदर) आणि मंगेश विठ्ठल हरपळे (रा. जेजुरी, ता. पुरंदर) या दोघांना अटक केली आहे. मंगळवारी (दि. २२) रोजी रात्री १०.३० च्या सुमारास बेलसरजवळील फुलेमळानजीक कऱ्हानदीच्या पात्रात जेसीबी मशीनच्या साहाय्याने वाळू काढण्याचे काम चोरट्यांनी सुरू केले. याची चाहूल नागरिकांना लागताच त्यांनी याची माहिती पोलिसांना दिली. पोलीस निरीक्षक सुनील महाडिक यांच्या मार्गदर्शनखाली पोलीस कर्मचारी संदीप मोकाशी, भानुदास सरक तत्काळ घटनास्थळी पोहोचले. मात्र, वाळू चोरणारे आरोपी जेसीबी व कार तेथेच सोडून पळून गेले होते. पोलिसांनी सुमारे १२ लाख रुपये किमतीचे जेसीबी, मोटार तसेच २० हजार रुपये किमतीची वाळू जप्त केली आहे.
फोटो : जेजुरी पोलिसांनी जप्त केलेले जेसीबी मशीन व कार.
240921\1855-img-20210924-wa0010.jpg
???? ?????? ? ???