पुणे : भीमा कोरेगाव हिंसाचार प्रकरणी संभाजी भिडे गुरुजींना अटक करावी अशी मागणी भीमा कोरेगाव विजयस्तंभ शौर्य दिन समन्वय समितीने केली. यावेळी भीमा कोरेगाव विजयस्तंभ शौर्यदिन समितीचे अध्यक्ष राहुल डंबाळे, काँग्रेसचे शहराध्यक्ष रमेश बागवे, राष्ट्रवादीचे सामाजिक न्याय विभागाचे अध्यक्ष जयदेव गायकवाड उपस्थित होते.
दरवर्षीप्रमाणे यंदाही 1 जानेवारी रोजी पेरणे येथील भीमा कोरेगाव विजयस्तंभाला अभिवादन करण्यासाठी लाखो अनुयायी येणार आहेत. या कार्यक्रमाची तयारी पूर्ण झाली असून त्यासंबंधी माहिती देण्यासाठी पुण्यात पत्रकार परिषदेचे आयोजन करण्यात आले होते.
राष्ट्रीय स्मारकाच्या उभारणीसाठी पाठपुरावा सुरूभीमा कोरेगाव येथील विजयस्तंभाचे राष्ट्रीय स्मारक करावे असे आवाहन जिल्हाधिकाऱ्यांना केले होते. याबाबत पंतप्रधान कार्यालय, सांस्कृतिक, संरक्षण विभाग, पुरातत्व विभागाशी संपर्क सुरू असून या कामाला सुरुवात झाली असल्याचे यावेळी सांगण्यात आले. यावेळी उंची इमारत उभी न करता ब्रिटिश वोर म्युझियम हेरिटेज धर्तीवर विकास व्हावा अशी मागणी करण्यात आली.