पुणे : उपमुख्यमंत्री अजित पवार हे सरळमार्गी, स्पष्टवक्ते होते. त्यांची प्रशासनावर पकड होती. त्यामुळे कर्तव्यदक्ष आणि कामाबाबत उद्देश स्पष्ट असणाऱ्या अधिकाऱ्यांना देत सपोर्ट करत होते. काेरोनाच्या काळात पुण्यात सर्वाधिक रुग्ण होते. त्यावेळी मी पुण्याच्या जिल्हाधिकारी होतो. दर शनिवारी अजित पवार बैठक घेऊन सूचना देऊन बारीक गोष्टीकडे लक्ष देत होते. या शब्दांत पुणे महापालिकेेचे आयुक्त नवल किशोर राम यांनी अजित पवार यांच्याविषयीच्या आठवणींना उजाळा दिला.
पुणे जिल्ह्यात कोरोनाची लाट मोठ्या प्रमाणात आली. त्यावेळी मी पुणे जिल्ह्याचा जिल्हाधिकारी होतो. कोरोनाच्या लाटेत रुग्णांना बेड मिळत नव्हते. अजित पवार हे उपमुख्यमंत्री आणि पुणे जिल्ह्याचे पालकमंत्री होते. दर शनिवारी ते बैठक घेत होते. त्या काळात अजित पवार पुण्यावर विशेष लक्ष ठेवून होते. रुग्णांना बेड मिळण्यासाठी प्रशासनाला सर्वतोपरी सूचना करत होते. ठाेस निर्णय घेत होते. अजित पवार यांचे व्यक्तिमत्त्व सरळमार्गी होते. विकासकामाबाबत उद्देश स्पष्ट असणाऱ्या अधिकाऱ्यांना ते सपोर्ट करत. प्रशासनावर त्यांची पकड होती. अधिकाऱ्यांना काय विचारायचे आणि काय विचारायचे नाही याचे ज्ञान त्यांना होते. अजित पवार दिसायला गंभीर होते. पण ते मनाने हळवेही होते. नुकत्याच झालेल्या प्रजासत्ताक दिनाच्या कार्यक्रमात अधिकाऱ्यांबरोबर ते नास्ता करत होते. त्यावेळी नागरिकांना आपण नास्ता देत नाही, असा सवाल अजित पवार यांनी उपस्थित केला. एवढ्या बारकाईने अजित पवार यांचे लक्ष होते. कामाच्या दर्जाबाबत ते आग्रही होते, असे महापालिका आयुक्त नवल किशोर राम यांनी सांगितले.