शहरं
Join us  
Trending Stories
1
Kedarnath Helicopter Crash : चारधाम यात्रेची हेलिकॉप्टर सेवा स्थगित; गौरीकुंडमधील दुर्घटनेनंतर नवा आदेश
2
केदारनाथहून परतताना कोसळलं हेलिकॉप्टर; महाराष्ट्रातल्या जयस्वाल दाम्पत्यासह २ वर्षाची चिमुरडी ठार
3
कोल्हार- घोटी राज्यमार्गावर भीषण अपघात; तीन ठार, दहा जखमी
4
खुल्लम खुल्ला प्यार... 'चॅम्पियन' एडन मार्करमने भरमैदानात सर्वांसमोर पत्नीला केलं किस, Photo व्हायरल
5
Maharashtra Rains: राज्यात पावसाचा जोर वाढला, वीज पडून ९ जणांचा मृत्यू; ७ जण भाजले!
6
हेलिकॉप्टर पायलट बनायचंय? किती खर्च, किती पगार? जाणून घ्या A to Z माहिती!
7
Ahmedabad Plane Crash : आईच्या शब्दाखातर 'तो' थांबला अन् विमान अपघातातून जीव वाचला; ऐनवेळी नेमकं काय घडलं?
8
Israel–Iran War : इस्त्रायल-इराण युद्धात जग दोन गटात विभागले! 'या' मुस्लीम देशांनी घेतली इराणची बाजू; भारत कोणासोबत?
9
BCCI ने जाहीर केलं 'टीम इंडिया'चं पुढल्या वर्षीचं वेळापत्रक, रोहित-विराट 'या' तगड्या संघाविरूद्ध मैदानात उतरणार
10
केदारनाथला जाण्यासाठी हेलिकॉप्टरचं तिकीट किती? अपघात झाल्यास कोण देतं भरपाई?
11
Bhiwandi Fire: भिवंडीत भीषण आगीत, १२ केमिकल गोदामे जळून खाक!
12
मोठी बातमी: पुणे पोलिसांनी केलेल्या गोळीबारात कुख्यात गुन्हेगार ठार; सोलापूर जिल्ह्यातील घटना
13
चंद्रपूर: 'फादर्स डे'च्या दिवशी पाच मुले झाली पोरकी! दोन रानटी हत्तीनी सोंडेने आपटून एकाला केले ठार
14
मोठा दिलासा! आधार मोफत अपडेट करण्याची शेवटची संधी? UIDAI ने तारीख बदलली!
15
राशीभविष्य, १५ जून २०२५: कामात समाधान लाभेल, आवडत्या व्यक्तीची भेट होईल, प्रवासाचा बेत आखाल !
16
केदारनाथमध्ये हेलिकॉप्टर कोसळलं; पायलटसह सात जणांचा मृत्यू, महाराष्ट्रातील भाविकांचा समावेश
17
सुनेची काळजी घेण्यासाठी निघालेल्या यास्मिन; तीन दिवस प्रवास पुढे ढकलला, विमान अपघातात मृत्यू
18
Navi Mumbai: नवी मुंबई विमानतळावर लँडिंग करण्याआधी वैमानिकांसमोर २२५ अडथळे!
19
वाशिमच्या मेडशी बायपासवर भीषण अपघात; दोन ठार, एक जखमी, दोघे थोडक्यात बचावले
20
Ahmedabad Plane Crash: अहमदाबाद दुर्घटनेनंतर विमानसेवांच्या प्रतिष्ठेवरही गंभीर परिणाम!

रुग्णाच्या मृत्यूनंतर नातेवाईकांकडून हॉस्पिटलमध्ये तोडफोड, डॉक्टरांना मारहाण

By ऑनलाइन लोकमत | Updated: February 6, 2020 10:24 IST

याप्रकरणी डॉ. सादीक इब्राहिम खान (वय २९, रा. वेलफेअर हॉस्पिटल, कोंढवा) यांनी कोंढवा पोलीस ठाण्यात फिर्याद दिली आहे.

पुणे : रुग्णावर व्यवस्थित उपचार केला नसल्याचा आरोप करीत रुग्णाच्या मृत्यूनंतर त्याच्या नातेवाईकांनी हॉस्पिटलमध्ये जाऊन डॉक्टरांना मारहाण करीत तोडफोड केली. कोंढवा येथील आशिर्वाद चौकातील वेलफेअर हॉस्पिटलमध्ये बुधवारी रात्री सव्वादहा वाजता हा प्रकार घडला. 

याप्रकरणी डॉ. सादीक इब्राहिम खान (वय २९, रा. वेलफेअर हॉस्पिटल, कोंढवा) यांनी कोंढवा पोलीस ठाण्यात फिर्याद दिली आहे. याबाबत कोंढवा पोलिसांनी सांगितले की, डॉ. सादीक खान व डॉ. जुबेर सय्यद हे ४ फेब्रुवारी रोजी रात्री साडेआठ वाजता हॉस्पिटलमध्ये असताना शोएब अन्सारी (रा. शिवनेरीनगर, कोंढवा) यांना त्यांचे नातेवाईक वेलफेअर हॉस्पिटलमध्ये घेऊन आले. त्यांच्या छातीमध्ये त्रास होत असल्याचे त्यांनी सांगितले. 

डॉ. सय्यद यांनी तपासणी करुन त्यांच्या छातीत इन्फेक्शन झाल्याचे व पेशंटच्या प्लेटलेट्स कमी झाल्याने त्यांना हॉस्पिटलमध्ये दाखल करुन घेण्यात आले होते. त्यानंतर ५ फेब्रुवारी रोजी दुपारी बारा वाजता डॉ. सय्यद यांनी पेशंटच्या तब्येतीमध्ये सुधारणा होत नसल्याचे त्यांच्या नातेवाईकांना सांगून त्यांना दुसऱ्या हॉस्पिटलमध्ये हलविण्यास सांगितले. त्यावेळी नातेवाईकांनी सायंकाळी साडेसहा वाजता त्यांना नवले हॉस्पिटलमध्ये घेऊन जात असल्याचे सांगत पेशंटला घेऊन गेले. 

या घटनेनंतर रात्री सव्वा दहा वाजता डॉ. खान हे पेशंटांना तपासत असताना चार ते पाच जण आले. त्यांनी डॉ. खान यांना ‘तुमने शोएब अन्सारी के उपर अच्छी तरहसे ट्रिटमेंट नही किया. इसलिए वह मर गया है’ असे म्हणून त्यांना व हॉस्पिटलमधील स्टाफला शिवीगाळ केली. डॉ. खान यांना हाताने मारहाण करण्यास सुरुवात केली. हॉस्पिटलचा मुख्य काचेचा दरवाजाची तोडफोड केली. हॉस्पिटलमधील बसण्याचे बाकडे उलटे पालटे केले. तेथील लँडलाइन फोन उचलून जमिनीवर आपटला. त्यानंतर तेथे गर्दी होऊ लागताच ती मुले पळून गेली.

डॉ. खान यांच्या फिर्यादीवरुन कोंढवा पोलिसांनी महाराष्ट्र मेडिकेअर सर्व्हिस पर्सन्स अँड मेडिकेअर सर्व्हिस इन्स्टिट्युशन (प्रिव्हेन्शन ऑफ व्हायलन्स अँड डॅमेज आर लॉस टु प्रोपर्टी) अ‍ॅक्ट नुसार ४ ते ५ जणांवर  गुन्हा दाखल केला आहे. या घटनेची माहिती मिळताच वरिष्ठ पोलीस अधिकाऱ्यांनी घटनास्थळी भेट दिली. कोंढवा पोलीस अधिक तपास करीत आहेत.

टॅग्स :Crime Newsगुन्हेगारीPuneपुणे