तुळजापूरला जाताना इंदापूर येथे अपघात; 13 गंभीर जखमी 

इंदापूर : पुण्याकडून तुळजापूरला जात इंदापूर शहराच्या बाह्यवळण येथील वैष्णवी ढाब्याजवळ पिकअपला कंटेनरने मागील बाजूकडून मंगळवार दि. २५ रोजी दुपारी २ वाजता धडक दिल्याने अपघात झाला. यामध्ये पिकअप गाडीतील तेरा जण गंभीर जखमी झाले आहेत. याबाबत संतोष संपत रायकर ( वय ३५ ) रा. हंगेवाडी ता.श्रीगोंदा जि.अहमदनगर यांनी इंदापूर पोलीस ठाण्यात फिर्याद दिली आहे. यामध्ये पिकअप नं. एम. एच. १६ सी. सी. ३४०५ चालक साहेबराव प्रभु रायकर हा गावातील लोकांना घेवुन तुळजापुर येथे जात असताना मौजे इंदापुर गावचे हद्दित वैष्णवी ढाब्याजवळ महिंद्रा पिकअप थांबली असता त्याच्या पाठीमागुन येणारे बल्क कुलर कनटेनर नंबर एम. एच. ४६ ए. आर. ५३८२ वरील चालकाने ठोस मारल्याने अपघात झाला आहे. त्यावरील चालक अपघातातील जखमींना उपचाराची मदत न करता अपघात करुन निघुन गेला, तसेच अपघातात पिकअप जिपमधील सिताराम तबा रायकर, ( वय ६५), सुभद्राबाई दशरथ रायकर, संजय विठ्ठल रासकर, रंजना संजय रासकर, चांदन दत्तात्रय रायकर, जयश शरद रायकर, समुध्दी शरद रायकर, साक्षांत सावता रायकर, मंदा सावता रायकर, शरद दशरथ रायकर, जयश्री शरद रायकर, रखमाबाई विठ्ठल रायकर यांना गंभीर मार लागला असुन त्यांना १०८ नंबरच्या रुग्णवाहिकेत इंदापूर उपजिल्हा रुग्णालयात उपचारासाठी दाखल केले आहे.