पुणे : पतीने आपल्या पाच मित्रांसोबत पत्नीवर अत्याचार केला. त्याचा व्हिडीओ काढून तिला ब्लॅकमेल पुन्हा अत्याचार करत पोलिसांमध्ये तक्रार केल्यास व्हिडीओ व्हायरल करण्याची धमकी दिली. ही घटना २० फेब्रुवारी २०२० ते २०२१ या कालावधीत घडली. या प्रकरणी मुलीच्या वडीलांनी मार्केटयार्ड पोलिस ठाण्यात फिर्याद दिली. ते न्यायालयात गेले असता न्यायालाच्या आदेशाने मार्केटयार्ड पोलिस ठाण्यात आरोपी पतीसह त्याच्या पाच मित्रांवर गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी यांच्या २३ वर्षीय मुलीचा विवाह २०१६ मध्ये झाला होता. फिर्यादी यांनी २०२० मध्ये मुलीला त्यांच्याकडे राहण्यासाठी घेऊन आले. त्यावेळी आरोपी पती आणि त्याचे मित्र यांनी २७ फेब्रुवारी २०२० ला फिर्यादी यांच्या मुलीला घराबाहेर बोलवून एका ठिकाणी नेऊन मारहाण करत अत्याचार केला. तसेच त्याचे व्हिडीओ चित्रीकरण केले. तसेच पुन्हा २०२० आणि २०२१ मध्ये आरोपींनी कट रचून फिर्यादीच्या मुलीवर वारंवार अत्याचार केला. तसेच पोलिसांमध्ये तक्रार केल्यास फोटो व व्हिडीओ व्हायरल करण्याची धमकी दिली, असे फिर्यादीत नमूद आहे.