पुणे : कामाला असलेल्या दुकानातून लॅपटॉप चोरी करणाऱ्या संगणक अभियंत्याला शिवाजीनगर पोलीस ठाण्याच्या सायबर पथकाकडून अटक करण्यात आलेली आहे.
याबाबत अधिक माहिती अशी की, एका संगणक विक्री व दुरुस्तीच्या दुकानात हार्डवेअर इंजिनिअर समीर रामनाथ थोरात (३९) याला सप्टेंबर २०२३ ते जानेवारी २०२४ दरम्यान नोकरीस ठेवले होते. दुकानाचे मालक हे दुबई येथे गेले असता दुकानातील ४ लॅपटॉप व इतर साहीत्य तसेच ग्राहकांकडून कॉम्प्युटरचे साहीत्य असे परस्पर घेवून पसार झाल्याची तक्रार शिवाजीनगर पोलीस ठाण्यात आली होती.
शिवाजीनगर पोलीस ठाण्याच्या सायबर पथकाने तांत्रिक विश्लेषण व गोपनीय बातमीदारामार्फत मिळालेल्या माहितीनुसार आरोपीचा मागोवा घेत सापळा रचून त्याला अटक केली आहे. त्यानंतर गुन्हा केल्याची कबुली देऊन त्याच्याकडून १ लाख ४० हजार रुपये किमतीचे लॅपटॉप हस्तगत केले आहेत. ही कामगिरी सहाय्य्क पोलीस निरीक्षक बाजीराव नाईक व पोलीस अंमलदार रुपेश वाघमारे, आदेश चलवादी, रुचिका जमदाडे यांनी केली आहे.