पिंपरी : रिक्षाचालकाला रिक्षातून बाहेर काढून कमरेच्या पट्ट्याने मारहाण करून दोन अज्ञात चोरट्यांनी रिक्षा जबरदस्तीने चोरून नेली. ही घटना रविवारी (दि.१३) रात्री पावणे एकच्या सुमारास जुना पुणे-मुंबई हायवेवरील आकुर्डीतील स्टार रुग्णालयाजवळ घडली. या प्रकरणी इम्रान अब्दुल रशीद शेख (वय ३५, रा. बोपोडी) यांनी फिर्याद दिली आहे. त्यानुसार पोलिसांनी दोन अज्ञात चोरट्यांविरोधात गुन्हा दाखल केला आहे.
पोलिसांनी दिलेल्या माहितीनुसार, फिर्यादी हे त्यांचे उबेरचे रिक्षा भाडे घेऊन खंडोबामाळ चौक, आकुर्डी येथे आले होते. त्यावेळी फिर्यादी यांचा पाठलाग करत आरोपी त्यांच्याजवळ आले. फिर्यादीला रिक्षातून बाहेर काढून आरोपींनी त्यांच्या कमरेच्या पट्ट्याने फिर्यादीच्या तोंडावर मारले. तसेच लाथाबुक्क्यांनी मारहाण केली. आरोपींमधील एकाने फिर्यादी यांचा रिक्षा स्वत: निगडीच्या दिशेने घेऊन गेला.