पिंपरी : इन्स्टाकार्ट वेअरहाऊसमध्ये शिरून कोयत्याचा धाक दाखवत दरमहा १० हजार रुपयांच्या हप्त्याची मागणी करणाऱ्या दोघांना पोलिसांनी अटक केली. ही घटना मंगळवारी (७ एप्रिल) रात्री ११:३० वाजता दिघीतील विजयनगर येथील राघव मंगल कार्यालयाजवळ घडली.
दिघी पोलिसांनी दिलेल्या माहितीनुसार, हर्षद अरुण आहेर (वय २५, खराडी, ता. हवेली, मूळ नाशिक) यांनी पोलिस ठाण्यात फिर्याद दिली आहे. सोहेल अलिशेर मिर्झा (२३, रा. विश्रांतवाडी, पुणे) आणि साकीर हुसेन आशिष चिट्टपरम (२३, रा. मांजरी, पुणे) अशी अटक केलेल्यांची नावे आहेत.
संशयित दुचाकीवरून हातात कोयता घेऊन वेअरहाऊसमध्ये शिरले आणि ‘आम्ही दिघीचे भाई आहोत, कंपनी चालवायची असेल तर दरमहा १० हजार रुपये हप्ता द्यावा लागेल,’ अशी धमकी दिली. त्यांनी कोयता उगारून कर्मचाऱ्यांना शिवीगाळ केली आणि वेअरहाऊसबाहेर उभ्या असलेल्या गाड्यांची तोडफोड करून दहशत निर्माण केली. पोलिसांनी संशयितांना अटक केली आहे.
Web Summary : Two men were arrested in Dighi for demanding ₹10,000 monthly extortion from an Instacart warehouse. They brandished a sickle, threatened employees, and vandalized vehicles creating terror.
Web Summary : पुणे के दिघी में दो लोगों को इंस्टाकार्ट गोदाम से ₹10,000 मासिक रंगदारी मांगने के आरोप में गिरफ्तार किया गया। उन्होंने कर्मचारियों को धमकी दी और वाहनों में तोड़फोड़ की।