पिंपरी : ऑफिसच्या शटरचे कुलूप तोडून चोरट्यांनी सोन्याचे दागिने आणि ४० हजारांची रोकड असा एकूण सहा लाख १५ हजार रुपयांचा ऐवज चोरून नेला. काळेवाडी येथील विजयनगरमध्ये २८ नोव्हेंबर रोजी सकाळी साडेदहाच्या सुमारास ही घटना उघडकीस आली.
आशिष सुदेश गुंजेकर (वय २७, रा. ज्योतीबानगर, काळेवाडी) यांनी याप्रकरणी २८ नोव्हेंबर रोजी काळेवाडी पोलिस ठाण्यात फिर्याद दिली. त्यानुसार अज्ञात चोरट्याच्या विरोधात पोलिसांनी गुन्हा दाखल केला.
पोलिसांनी दिलेल्या माहितीनुसार, फिर्यादी आशिष गुंजेकर यांचे काळेवाडीतील विजयनगरमधील ॲपल प्रकृती बिल्डिंग येथे एस. एस. सिक्युरिटी सर्व्हिसेसचे ऑफिस आहे. हे ऑफिस बंद असताना चोरट्यांनी ऑफिसच्या शटरचे कुलूप तोडले. त्यानंतर ऑफिसमधील लाकडी कपाटातील ड्राॅवरमधून सोन्याचे दागिने आणि ४० हजारांची रोख रक्कम, असा सहा लाख १५ हजारांचा ऐवज चोरट्यांनी चोरून नेला.
सीसीटीव्ही फुटेज
या घटनेतील चोरटे सीसीटीव्ही कॅमेऱ्यात कैद झाले आहेत. चोरट्यांनी कापडाने चेहरा लपवून सीसीटीव्ही कॅमेऱ्यांवर स्प्रे फवारला. त्यानंतर शटरचे कुलूप तोडून ऑफिसमध्ये प्रवेश करून ऐवज चोरून नेला. या सीसीटीव्ही फुटेजची पाहणी करून काळेवाडी पोलिसांनी तपास सुरू केला आहे.
Web Summary : Thieves broke into a shop in Kalewadi, stealing 11 tolas of gold and cash worth ₹6.15 lakhs. The incident occurred on November 28th. Police are investigating, reviewing CCTV footage where thieves concealed their faces.
Web Summary : कालेवाड़ी में चोरों ने एक दुकान का ताला तोड़कर 6.15 लाख रुपये का सोना और नकदी चुरा ली। घटना 28 नवंबर को हुई। पुलिस सीसीटीवी फुटेज की जांच कर रही है, जिसमें चोरों ने अपने चेहरे ढके हुए हैं।