पिंपरी-चिंचवड : महापालिका निवडणुकीच्या मतमोजणीदरम्यान भाजपने दमदार कामगिरी करत मॅजिक फिगर गाठली आहे. भाजप तब्बल ६५ जागांवर आघाडीवर असून राष्ट्रवादी ३१ तर शिवसेना ५ जागांवर आघाडीवर आहे. शहराच्या राजकारणात भाजपचे वर्चस्व स्पष्टपणे दिसून येत आहे. सकाळपासून सुरू झालेल्या मतमोजणीत अनेक प्रभागांत भाजपच्या उमेदवारांनी निर्णायक आघाडी घेतली. काही ठिकाणी चुरशीची लढत पाहायला मिळत असली तरी बहुतांश मतदारसंघांमध्ये भाजपने सुरक्षित आघाडी निर्माण केली आहे. यामुळे महापालिकेतील सत्ता पुन्हा भाजपकडे जाण्याचे संकेत मिळत आहेत.
पुणे - पिंपरी चिंचवड महापालिका निकालाचे लाईव्ह अपडेट
दुसरीकडे राष्ट्रवादीला अपेक्षित यश मिळताना दिसत नाहीये. काही जागांवर त्यांनी लढत टिकवून ठेवली असली तरी एकूण चित्र भाजपच्या बाजूने झुकलेले आहे. निकाल अधिकृत झाल्यानंतर सत्ता स्थापन करण्याच्या हालचालींना वेग येण्याची शक्यता आहे. भाजप कार्यकर्त्यांमध्ये जल्लोषाचे वातावरण असून शहरभर विजयाचे फटाके आणि अभिनंदनाचे बॅनर झळकत आहेत. अंतिम निकालाकडे सर्वांचे लक्ष लागले आहे.
पिंपरी-चिंचवड महापालिका निवडणुकीत ३२ प्रभागांतील १२८ जागांसाठी ६९२ उमेदवार लढत आहेत. यंदा भाजप आणि दोन्ही राष्ट्रवादीतच मुख्य सामना होणार असून, भाजपने दोन जागा बिनविरोध करून खाते खोलले आहे. शहरात महायुती तुटली असून आणि महाविकास आघाडीही फुटली आहे. मागील सत्ताधारी भाजपकडून सत्ता हस्तगत करण्यासाठी राष्ट्रवादी (अजित पवार) आणि राष्ट्रवादी (शरद पवार) पक्ष एकत्र आले आहेत. त्यांनी ही निवडणूक प्रतिष्ठेची बनवली आहे. राज्यात आणि केंद्रात महायुती असताना पिंपरी-चिंचवडच्या आखाड्यात भाजप, राष्ट्रवादी (अजित पवार) आणि शिंदेसेना स्वबळावर उतरले आहेत.
Web Summary : BJP achieved a majority in PCMC elections with 65 seats, while NCP secured 31. Celebrations erupt as BJP is likely to retain power. The election saw a split between Mahayuti and Mahavikas Aghadi.
Web Summary : पीसीएमसी चुनाव में बीजेपी ने 65 सीटों के साथ बहुमत हासिल किया, जबकि एनसीपी को 31 सीटें मिलीं। बीजेपी के सत्ता में बने रहने की संभावना है। चुनाव में महायुति और महाविकास अघाड़ी में विभाजन देखा गया।