Pimpri Chinchwad News | Latest Pimpri Chinchwad News in Marathi | Pimpri Chinchwad Local News Updates | ताज्यबातम्या पिंपरी -चिंचवड | पिंपरी -चिंचवड समाचार | Pimpri Chinchwad Newspaper

पुणे : काँग्रेस प्रदेशाध्यक्षपदाची सूत्रे हाती घेतल्यानंतर हर्षवर्धन सपकाळ नियुक्त केलेल्या निरीक्षकांचे जिल्हा व शहरनिहाय अहवाल प्रदेश काँग्रेसला प्राप्त झाले आहेत. आता या अहवालांची छाननी करून, तेथील संबंधितांबरोबर चर्चा करून त्या-त्या शहर व जिल्ह्यात खांदेपालट करण्यात येणार आहे. यामध्ये युवा कार्यकर्त्यांवर जबाबदारी देण्याचा व सक्रिय नसणाऱ्या ज्येष्ठांना मार्गदर्शक करण्याचा विचार सुरू असल्याचे समजते. निरीक्षकांना त्यादृष्टीनेही चाचपणी करण्याच्या सूचना देण्यात आल्या होत्या.सलग तीन पंचवार्षिकमध्ये काही अपवाद वगळता सातत्याने पराभव पत्करावा लागल्याने राज्यातील काँग्रेसची राजकीय स्थिती नाजूक झाली आहे. त्यातही नुकत्याच झालेल्या विधानसभा निवडणुकीत पक्षाला सपाटून मार बसला. त्याची परिणीती प्रदेशाध्यक्ष बदलात झाली. माजी आमदार असलेले नवे प्रदेशाध्यक्ष सपकाळ यांच्याकडून पक्षाला बऱ्याच अपेक्षा आहेत. त्यांनीही सूत्रे हातीच घेताच कामाला सुरुवात केली आहे. राज्यातच नव्हे तर देशभरात गाजलेल्या बीडमधील मस्साजोग येथील सरपंच संतोष देशमुख हत्या प्रकरणात त्यांनी मस्साजोग ते बीड अशी दोन दिवसांची सदभावना यात्रा काढली. आता मुख्यमंत्री देवेंद्र फडणवीस यांच्या दंगलग्रस्त नागपुरात ते अशीच यात्रा काढत आहेत. पक्षाला सक्रिय करण्याबरोबरच सपकाळ यांनी जबाबदाऱ्यांमध्ये खांदेपालट करण्याची मोहीमही सुरू केली आहे. पक्षाचा चेहरा तरुण करण्याचा प्रयत्नआता एकएक अहवाल मिळत आहेत. पक्षात ज्येष्ठ, अनुभवी पदाधिकारी, लोकप्रतिनिधी यांचे स्थान नेहमीच महत्त्वाचे असते. त्यांच्याबरोबर चर्चा करून, त्यांच्या अनुभवाचा फायदा घेण्यात येईल. मात्र त्याचबरोबर पक्षाला एक नवी सळसळीत ओळख मिळावी असाही प्रयत्न आहे. वैचारिक बैठक पक्की असलेले, पक्षनिष्ठा ठेवणारे व प्रसंगी ती सिद्धही करणारे नवे पदाधिकारी पक्षाला देण्याचा विचार आहे. हा बदल काही लगेच होईल असे नाही, मात्र त्यादृष्टिने वाटचाल करण्याचा विचार आहे. - हर्षवर्धन सपकाळ, प्रदेशाध्यक्ष, काँग्रेस

Pimpri Chinchwad (Marathi News)

चौथ्या अहवालातून वैद्यकीय निष्काळजीपणा आढळला तर दीनानाथ मंगेशकर रुग्णालयावर कारवाई होण्याची चिन्हे आहेत ...

रुग्णालय, आरोग्य विभाग आणि डॉक्टरांविषयी कोणतीही तक्रार असल्यास टोल फ्री क्रमांक १०४ वर तत्काळ तक्रार नोंदवा ...

या सर्व समित्यांचा अहवालाचा अट्टाहास दीनानाथ मंगेशकर रुग्णालयाच्या बचावासाठी तर नाही ना ? ...

जी मुस्लिम समुदाय आणि देशभरातील नागरिकांच्या आवाजाला बळ देणारी ठरली ...

श्री छत्रपती सहकारी साखर कारखान्याच्या पंचवार्षिक निवडणूकीसाठी आजपर्यंत ३३९ जणांनी अर्ज दाखल ...

भाजपच्या राज्यात केवळ नफरत मिळणार ची टीका ...

- गेल्या आर्थिक वर्षात एक कोटी रुपयांचे उत्पन्न, नव्या मार्गावर बस सुरू करण्याची मागणी ...

पक्षाला सक्रिय करण्याबरोबरच सपकाळ यांनी जबाबदाऱ्यांमध्ये खांदेपालट करण्याची मोहीमही सुरू केली आहे. ...