Pimpri Chinchwad News | Latest Pimpri Chinchwad News in Marathi | Pimpri Chinchwad Local News Updates | ताज्यबातम्या पिंपरी -चिंचवड | पिंपरी -चिंचवड समाचार | Pimpri Chinchwad Newspaper

पुणे : कोरोना प्रतिबंधक लसीचा बूस्टर डोस मोफत देण्यास १५ जुलैपासून सुरुवात झाली आहे. मात्र, या मोहिमेला म्हणावा तितका प्रतिसाद मिळत नसल्याचे समोर आले आहे. शहरात पाच दिवसांमध्ये १८ ते ५९ वयोगटातील १९ हजार १७१ जणांनी बूस्टर डोस घेतल्याचे समोर आले आहे.कोरोनाचा संसर्ग वाढू लागल्याने केंद्र शासनाने ६० वर्षांवरील तसेच फ्रंट लाइन वर्कर यांना मोफत बूस्टर डोस देण्यास सुरुवात केली. त्यानुसार अनेकांनी याचा लाभ घेतला. दरम्यानच्या काळामध्ये कोरोनाबाधितांच्या संख्येत वाढ होऊ लागली आहे. त्यामुळे १८ वर्षांवरील सर्वांना १५ जुलैपासून मोफत बूस्टर डोस देण्याचा निर्णय घेण्यात आला. १५ जुलैला पहिल्याच दिवशी जिल्ह्यात सुमारे ११ हजार जणांनी बूस्टर डोस घेतला होता. तर शहरात याचे प्रमाण अत्यल्प होते.३० सप्टेंबरपर्यंत मिळणार मोफत लसकोरोना प्रतिबंधक लसीचा बूस्टर लस घेण्यासाठी ३५० रुपये मोजावे लागत होते. त्यामुळे अनेकांनी ही लस घेण्यास टाळाटाळ केली होती. शिवाय कोरोना संसर्गाचे प्रमाणही कमी झाले होते. मात्र, ज्यावेळी बाधितांची संख्या वाढू लागली त्यावेळी शहरात ६० वर्षांवरील लोकांसाठी लस मोफत करण्यात आली असता एक लाख ६७ हजार ८२५ ज्येष्ठांनी मोफत बूस्टर डोस घेतला.सध्या संसर्गाचे प्रमाण कमी झाले असून परिस्थिती आटोक्यात आली आहे. त्यातच मिळणारी बूस्टर डोससाठी ३५० रुपये मोजायची इच्छा नसल्याने बूस्टर डोस नकोच असे लोक म्हणून लागले आहेत. परंतु, शासनाने ही लस मोफत सुरू केली आहे. महत्त्वाचे म्हणजे ३० सप्टेंबरपर्यंत ही बूस्टर डोस मोफत देण्यात येणार आहे.३८ लाख ६९ हजार ३४६ जणांनी घेतला पहिला डोससुरुवातीच्या काळामध्ये कोरोना संसर्गाचे प्रमाण अधिक होते. त्यामुळे लसीकरण केंद्रांवर कोरोना प्रतिबंधक लस घेण्यासाठी मोठ्या प्रमाणात गर्दी होत होती. शहरातील सर्व केंद्रांवर लस घेण्यासाठी लांबच्या लांब रांगा लागल्या असल्याचे चित्र पाहायला मिळत होते. आरोग्य कर्मचारी, फ्रंटलाईन वर्कर तसेच १५ वयोगटापासून ते ६० वर्षांवरील ज्येष्ठ अशा ३८ लाख ६९ हजार ३४६ जणांनी पहिला डोस घेतला.३२ लाख ४३ हजार ५९३ जणांनी घेतला दुसरा डोसकोरोना प्रतिबंधक लसीचा पहिला डोस घेतल्यानंतर कोव्हॅक्सिन लस घेतलेल्यांसाठी ४५ दिवसानंतर तर कोविशिल्ड घेतलेल्यांना ९० दिवसांनंतर लसीचा दुसरा डोस देण्यात येत होता. तोही अगदी मोफत होता. दरम्यानच्या काळात कोरोना प्रभाव कमी होऊ लागल्याने नागरिकांनीही याकडे पाठ फिरवली. त्यामुळे आजअखेरपर्यंत ३२ लाख ४३ हजार ५९३ जणांनी लसीचा दुसरा डोस घेतला.६८ केंद्रांवर मिळतेस लसपुणे महानगरपालिकेने नागरिकांना मोफत लस देण्यासाठी शहरात विविध ठिकाणी ६८ केंद्रांची उभारणी केली होती. या केंद्रांच्या माध्यामातून लोकांना लस देण्यात येत होती. या केंद्रांवरच लोकांना लस घेण्यासाठी नोंदणी करण्याची सोय देखील उपलब्ध करून देण्यात आली होती.शहरात १८ ते ५९ वयोगटातील ज्या नागरिकांना दुसरा डोस घेऊन सहा महिने किंवा २६ आठवडे पूर्ण झाले आहेत, आता त्यांनाही कोविशिल्ड किंवा कोव्हॅक्सिनचा तिसरा डोस मोफत मिळत आहे. नागरिकांनी महानगरपालिकेच्या लसीकरण केंद्रांमध्ये जाऊन प्राधान्याने लसीकरण करून घ्यावे. महापालिकेकडे सर्व लसींचे पुरेसे डोस उपलब्ध आहेत. - डॉ. सूर्यकांत देवकर, लसीकरण अधिकारी, पुणे महापालिका१९ ते ५९ वयोगटातील बूस्टर डोस घेतलेल्यांची दिवसनिहाय संख्या १५ जुलै २०२२- २८२८१६ जुलै २०२२- ६३४०१७ जुलै २०२२- ०१८ जुलै २०२२- ५१८६१९ जुलै २०२२- ४८१७एकूण- १९१७१

Pimpri Chinchwad (Marathi News)

खोटा गुन्हा दाखल केला म्हणून शिवसैनिकांनी खेड पोलीस ठाण्यात आंदोलन करून आढळरावाचा निषेध ...

भारतातील २२ केंद्रांवर ही पदवी आणि पदव्युत्तर प्रवेशासाठीची ही ऑनलाइन परीक्षा... ...

पुणे महापालिकेत गट आक्रमक होणार ?... ...

गेल्या काही दिवसांत इलेक्ट्रिक बाइकने अचानक पेट घेतल्याच्या घटना घडल्या आहेत ...

सर्वसाधारण प्रवर्गातील १३९ नगरसेवकांपैकी ३८ जणांना संधी मिळणार ...

औरंगाबाद येथून राठोडला अटक करण्यात आली ...

पिंपरी-चिंचवड शहरातील रस्ते प्रशस्त असले तरी बेशिस्त वाहनचालकांची संख्याही मोठी ...

कॉलेजची सुरुवात पुन्हा लांबणीवर पडण्याची चिन्हे ...

लसीचा बूस्टर लस घेण्यासाठी ३५० रुपये मोजावे लागतात म्हणून अनेकांनी केली होती टाळाटाळ ...