पिंपरी: देहूगावात किरकोळ कारणावरून झालेल्या पती-पत्नीच्या भांडणात पतीने पत्नीचा गळा दाबून खून केल्याचा धक्कादायक प्रकार समोर आला आहे. गुरुवारी रात्री बाराच्या सुमारास ही घटना घडली. याप्रकरणी आरोपी पतीला देहूरोड पोलिसांनी ताब्यात घेतले आहे.
पुजा वैभव लामकाने (वय १९) असे खून झालेल्या महिलेचं नाव आहे. तिचा पती वैभव भगवान लामकाने (वय २३ , रा., देहूगाव) याला पोलिसांनीअटक केली आहे.
महिलेचे वडील सोमनाथ रामदास पाटील (वय ५०, रा. देहुगाव) यांनी देहूरोड पोलीस ठाण्यात फिर्याद दिली आहे.पोलिसांनी दिलेल्या माहितीनुसार, पुजा आणि वैभव या पती-पत्नीमध्ये किरकोळ कारणावरून भांडण झाले. भांडणात पुजाने वैभवला आई वरुन शिवी दिली. शिवी दिल्याचा राग मनात धरून पती वैभवने पत्नीचा गळा दाबून खून केला असे फिर्यादीत म्हटले आहे. आरोपी पतीला ताब्यात घेतले असून, पोलीस पुढील तपास सुरू आहे.