ठळक मुद्देदाराची कडी तोडून केला प्रवेश
पिंपरी : अज्ञात चोरट्यांनी दरवाजाचा कडीकोयंडा उचकटून घरात प्रवेश केला. घरातून २८ हजार रुपये किमतीचे सोन्याचे दागिने चोरी करून नेले. शितला नगर, देहूरोड येथे सोमवारी (दि. ३१) पहाटे घरफोडीची ही घटना घडली.
जयवंत दगडू कुंभार (वय ५९, शितला नगर, देहूरोड) यांनी याप्रकरणी सोमवारी देहूरोड पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, कुंभार यांच्या घराच्या दरवाजाचा कडीकोयंडा तोडून अज्ञात चोरट्याने घरात प्रवेश केला. घरातून २८ हजार रुपये किमतीचे सोन्याचे दागिने चोरी करून नेले, असे फिर्यादीत नमूद केले आहे. देहूरोड पोलीस तपास करीत आहेत.