ट्रान्स्परंट टॉप्सच्या आत काय घालावे ? स्टायलिश आणि सेफ इनरवेअरचे ८ पर्याय - वाटेल कम्फर्टेबल आणि बिंधास्त...

Fashion hacks for transparent tops : stylish inner for women : innerwear for transparent tops : what to wear under see-through tops : ट्रान्स्परंट टॉप्स घातल्यावर आत काय घालायचं प्रश्न पडतो, यासाठी इनरवेअरचे काही खास पर्याय...

आजकाल ट्रान्स्परंट टॉप्स फॅशनमध्ये खूप ट्रेंडिंग आहेत. क्लासी, स्टायलिश आणि मॉडर्न (what to wear under see-through tops) लूकसाठी हे टॉप्स उत्तम पर्याय आहेत. पण अनेकदा ट्रान्स्परंट टॉप विकत घेताना किंवा घालताना प्रत्येक मुलीला एक प्रश्न पडतो "या टॉपच्या आत नेमकं काय घालायचं?"

चुकीचा इनरवेअर निवडल्यास तुमचा संपूर्ण लूक बिघडू शकतो, तर योग्य इनरवेअर (Fashion hacks for transparent tops) तुमच्या स्टाईलमध्ये भर घालतो. ट्रान्स्परंट टॉप्ससोबत कॉन्फिडंट आणि स्टायलिश दिसण्यासाठी नेमके कोणते पर्याय निवडावेत, याबद्दल अनेकजणी गोंधळलेल्या असतात. यासाठीच, ट्रान्स्परंट टॉप्सच्या आतमध्ये इनरवेअर घालण्यासाठी कोणत्या प्रकारच्या इनरवेअरची निवड करावी ते पाहूयात.

१. ट्यूब टॉप :-

ट्यूब टॉप हा स्ट्रॅप नसलेला पण चेस्टवर घट्ट बसणारा असा टॉप असतो. तुम्ही सॉफ्ट पॅडिंग असलेला टॉप देखील ट्रान्स्परंट टॉप्सच्या आतमध्ये इनरवेअर म्हणून घालू शकता. या प्रकारच्या टॉपमुळे सपोर्ट आणि कव्हरेज दोन्ही छान मिळत. ऑफ शोल्डर टॉप खाली किंवा डीप नेक टॉपच्या आत आपण हा ट्यूब टॉप घालू शकतो. यामुळे आपली नेकलाईन देखील व्यवस्थित पूर्ण कव्हर होते.

२. न्यूड कलर कॅमिसोल :-

ट्रान्स्परंट टॉपखाली स्किन टोनशी जुळणारा न्यूड कॅमिसोल सर्वात सेफ आणि क्लासी पर्याय आहे. न्यूड कॅमिसोल ही बारीक स्ट्रॅप असलेली आणि तुमच्या स्किनटोनच्या शेडमध्ये असलेली इनर असते. कोणत्याही प्रकारच्या ट्रान्स्परंट टॉपमध्ये ती अगदी सहज मिसळून जाते, त्यामुळे तुमचा लूक क्लीन आणि नीट दिसतो. लखनवी कुर्ते किंवा ट्रान्स्परंट टॉपच्या आतमध्ये घालण्यासाठी एकदम परफेक्ट आहे.

३. स्लिव्हलेस इनर किंवा टॅंक टॉप :-

ब्लॅक, व्हाईट आणि न्यूड रंगाची इनर प्रत्येकीकडे असायलाच हवी. अशा प्रकारची इनर ही कम्फर्टेबल आणि पूर्ण कव्हरेज देणारी असते, यासोबतच नेकलाईन देखील अतिशय व्यवस्थितपणे कव्हर होते. ट्रान्स्परंट रंगाच्या टॉपखाली ब्लॅक किंवा नेव्ही ब्लू टँक टॉप घातल्यास लुक आकर्षक दिसतो.

४. स्लिप ड्रेस :-

स्लिप ड्रेस हा थोडा लांब पेटीकोट किंवा स्लिपसारखाच पण थोडा उंचीला लांब असणाराच प्रकार असतो. स्लिप ड्रेस हा प्रकार ट्रान्स्परंट टॉप तसेच लॉंग ट्रान्स्परंट टॉपसाठी अगदी परफेक्ट पर्याय ठरतो. स्लिप ड्रेस हे एकदम लाईट वेट असतात हे एक प्रकारे ड्रेसच्या आत अस्तर असते त्याचप्रकारे काम करतात. लॉंग शिअर टॉप, सी थ्रू ड्रेस किंवा फेस्टिव्ह ड्रेसेसमध्ये अगदी व्यवस्थित फिटिंगला बसतात. हा स्लीपचा प्रकार शक्यतो कॉटन आणि सॅटिनच्या कापडात मिळतो.

५. हाय नेक इनर :-

प्रोफेशनल किंवा मिनिमल लुकसाठी ट्रान्स्परंट टॉपखाली हाय नेक इनरवेअर देखील निवडू शकता.

६. स्पॅगेटी स्ट्रॅप स्लिप :-

ररोजच्या वापरासाठी ट्रान्स्परंट शर्टखाली हलकीशी स्पॅगेटी स्लिप परफेक्ट पर्याय ठरतो. यात कम्फर्ट आणि कव्हरेज दोन्ही मिळतात.

७. लेस ब्रालेट :-

पार्टी किंवा फॅशन इव्हेंटसाठी लेस ब्रालेट ट्रान्स्परंट टॉपखाली घातल्यास ट्रेंडी आणि ग्लॅमरस लूक मिळतो. फॅशनेबल आणि ट्रेंडी लूकसाठी तुमच्या ट्रान्स्परंट टॉपच्या रंगाशी किंवा डिझाइनशी मिळतीजुळती ब्रालेट निवडू शकता. ही थोडी डिझायनर असल्याने टॉपमधून दिसल्यास ती इनरवेअरऐवजी स्टाईलचा भाग वाटते.

८. बॉडीसूट :-

ट्रान्स्परंट टॉप्ससोबत बॉडीसूट हा एक उत्तम आणि सुरक्षित पर्याय आहे. यामुळे तुमचा लूक स्लीक आणि क्लीन दिसतो. `