धक्कादायक ! तीन सुनांनी एकत्र येऊन केला सासूचा खून

1 / 11

राजस्थानच्या जोधपूर जिल्ह्यातील हरलाया गावांत तीन सुनांनी मिळून सासूची हत्या केल्याची धक्कादायक घटना उघडकीस आली आहे. कौटुंबिक विवादातूनच सुनांकडून सासूला ठार मारण्यात आलं आहे.

2 / 11

विशेष म्हणजे हत्येनंतर तिन्ही सुनांनी मिळून सासूला फासावर लटकवले होते, आत्महत्येचा बनाव रचण्याचा या तिन्ही सुनांचा डाव फसला. याप्रकरणी पोलिसांनी तिन्ही सुनांना अटक केली आहे.

3 / 11

संबंधित घटनेनंतर शेजारील कुटुंबीयांना पोलिसांना माहिती दिली होती. त्यानंतर, पोलिसांनी घटनास्थळी धाव घेत मृतदेह शवविच्छेदनासाठी पाठवला.

4 / 11

शवविच्छेदन अहवालातून ही आत्महत्या नसल्याचे स्पष्ट झाले. त्यानंतर, पोलिसांनी आपल्या तपासाची दिशा बदलली. अखेर खूनी घरातीलच तीन सुना असल्याचे तपासात निष्पन्न झाले.

5 / 11

जोधपूर ग्रामीणचे पोलीस अधिक्षक राहुल बाहरट यांनी सांगितले की, रामदेव नगर हरलाया येथील 62 वर्षीय कमलादेवी यांचा 28 ऑगस्ट रोजी मृत्यू झाला. याबाबत पोलिसांना 29 ऑगस्ट रोजी माहिती मिळाली.

6 / 11

सुरुवातीला पोलिसांनी देण्यात आलेल्या माहितीनुसार, कमलादेवी यांनी गळफास घेऊन आत्महत्या केल्याचे नातेवाईकांनी सांगितले. मात्र, मृत कमलादेवीच्या कुटुंबीयांनी सुनांवर हत्येचा आरोप केला होता.

7 / 11

कुटुंबीयांच्या आरोपानंतर पोलिसांनी तपासाची दिशा बदलत, सुनांकडे सक्तीने विचारपूस केली. त्यावेळी, तिन्ही सुनांनी खुनाची कबुली दिली. हत्या केलेल्या आरोपींमध्ये दोन सख्ख्या बहिणींचा समावेश आहे.

8 / 11

सासू आणि सुनांमध्ये घरगुती कारणांवरुन सातत्याने भांडण होत होते. सासूच्या दररोजच्या किरकिरीला कंटाळून सुनांकडून हे हत्येचे कृत्य करण्यात आले.

9 / 11

रुममधील पंख्याजवळच्या पाईपला रस्सी बांधून सासूचा मृतदेह लटकवला होता. त्यानंतर, सुनांनी घरातून पळ काढला. दुपारी 2 वाजता मृत महिलेची मुले मदन आणि ओमप्रकाश घरी आले होते.

10 / 11

मुलांनी रुममध्ये आईचा लटकलेला मृतदेह पाहिल्यानंतर आक्रोश केला. त्यानंतर, पोलिसांनी घटनास्थळी धाव घेतली.

11 / 11

पोलिसांच्या तपासानंतर या हत्याकांडातील आरोपींना अटक करण्यात आली आहे. त्यामध्ये, तिन्ही सुनांनी एकत्र येत हे कृत्य केल्याचे निष्पण्ण झाले आहे.