कोल्हापूर - देवेंद्र फडणवीस ज्या गोष्टी सांगतात, त्या कपोलकल्पित वाटतात, त्यामुळे उद्धव ठाकरेंबाबत फडणवीसांनी केलेल्या विधानावर मला फारसं काही माहिती नाही - शरद पवार
Delta Variant: चिंताजनक! डेल्टा व्हेरिअंटचे लस घेतलेल्यांनाही संक्रमण; AIIMS च्या अभ्यासात गंभीर बाब समोर
By ऑनलाइन लोकमत | Published: June 09, 2021 4:29 PM
1 / 10नवी दिल्ली : एकीकडे अमेरिका, इस्त्राय़लने कोरोना लस घेतलेल्यांना मास्क न घालताच फिरण्याची मुभा दिली आहे. तर दुसरीकडे लस घेतलेल्यांनाच कोरोनाच्या डेल्टा व्हेरिअंटचा (Corona Delta varient) धोका सर्वाधिक असल्याचे समोर आले आहे. कोरोना लस (corona vaccine) घेतली तरी देखील लोक कोरोना संक्रमित होत आहेत, यावर दिल्लीच्या एम्सने अभ्यास केला. यामध्ये ही गंभीर बाब समोर आली आहे. (The 'delta' variant of COVID-19 - the version first detected in India in October last year - is capable of infecting people even after they have received both doses of the Covaxin or Covishield vaccines)2 / 10एम्सने केलेल्या पाहणीनुसार कोरोना व्हायरसचा डेल्टा व्हेरिअंट (B1.617.2) कोरोना लस घेतलेल्या लोकांना सर्वाधिक संक्रमित करत आहे. मग या लोकांनी कोव्हिशिल्ड घेतलेली असो, की कोव्हॅक्सिन, दोन्ही लसी घेतल्यानंतरही हा स्ट्रेन संक्रमण करण्यास सक्षम असल्याचे समोर आले आहे. 3 / 10एम्सने आपल्या या अभ्यासामध्ये 63 लोकांना सहभागी केले होते. या लोकांना कोरोना लस घेतल्यानंतरही कोरोनाची लागण झाली होती. यापैकी 36 असे लोक होते, ज्यांनी दोन्ही डोस घेतले होते. तर 27 लोकांनी एक डोस घेतला होता. या पैकी 10 लोकांना कोव्हिशिल्ड आणि उरलेल्या 52 लोकांना कोव्हॅक्सिन देण्यात आली होती. 4 / 10एम्सने सांगितले की, 63 पैकी 41 पुरुष होते आणि 22 महिला होत्या. हे सर्व लस घेतल्यानंतर कोरोना बाधित झाले होते. मात्र, यापैकी एकाचाही मृत्यू झाला नाही. परंतू यापैकी अधिकतर लोकांना 5 ते 7 दिवसांहून अधिक काळ ताप होता. 5 / 10लसीचे दोन्ही डोस घेणाऱ्यांपैकी 60 टक्के लोकांमध्ये आणि एक डोस घेतलेल्या 77 टक्के लोकांमध्ये कोरोनाचा डेल्टा व्हेरिअंट मिळाला आहे. एम्सने दैनंदिन चाचण्यांमध्ये आलेल्या या रुग्णांच्या सॅम्पलचा अभ्यास केला. 6 / 10या पैकी 10 लोकांना कोव्हिशिल्ड आणि उरलेल्या 52 लोकांना कोव्हॅक्सिन देण्यात आली होती. 7 / 10या लोकांमध्ये खूप जास्त ताप, श्वास घेण्यास अडचण आणि डोकेदुखी सारखी समस्या दिसून आली आहे. या प्रकारामुळे एम्सचे डॉक्टरदेखील चिंतेत सापडले आहेत. 8 / 10या लस घेतलेल्या बाधित लोकांमध्ये कोरोना व्हायरसचा व्हायरल लोड खूप जास्त होता. कोव्हिशिल्ड आणि कोव्हॅक्सिन घेतलेल्या लोकांमध्ये ही सारखीच परिस्थिती होती. 9 / 10डेल्टा व्हायरस हा लसीची ताकद कमी करत असल्याचे राष्ट्रीय रोग नियंत्रण केंद्र आणि इंस्टीट्यूट ऑफ जीनोमिक अँड इंटीग्रेटिव बायोलॉजीने केलेल्या संशोधनात समोर आले होते. 10 / 10त्यांच्या अभ्यासात हे देखील म्हटले गेले होते की, तरी देखील लस कोरोनाविरोधात खूप परिणामकारक आहे.