लाल किल्ला फक्त दिल्लीतच नाही तर पाकिस्तानमध्येही आहे, बांधण्यासाठी लागली होती 87 वर्षे!

1 / 9

दिल्लीत लाल किल्ला हा भारताच्या ऐतिहासिक वारसांपैकी एक मानला जातो. हा किल्ला पाचव्या मुघल बादशहा शाहजहांने बांधला होता.

2 / 9

2007 साली या ऐतिहासिक किल्ल्याची निवड युनेस्कोने जागतिक वारसा म्हणून केली होती. पण, तुम्हाला माहिती आहे का? दिल्ली व्यतिरिक्त पाकिस्तानमध्ये लाल किल्ला आहे, जो बांधण्यासाठी 87 वर्षांचा कालावधी लागला होता.

3 / 9

पाकिस्तानमधील हा लाल किल्ला इस्लामाबादपासून तीन तासांच्या अंतरावर असलेल्या मुझफ्फराबाद येथे आहे. याला मुझफ्फराबाद किल्ला किंवा रुट्टा किल्ला म्हणून देखील ओळखले जाते.

4 / 9

दरम्यान, चक राज्यकर्त्यांनी मुघलांपासून वाचण्यासाठी हा किल्ला बांधण्यास सुरुवात केली.

5 / 9

या किल्ल्याचे बांधकाम १५५९ ला सुरू झाले. मात्र, मुघलांनी 1587 मध्ये हा किल्ला आपल्या ताब्यात घेतला. त्यानंतर या किल्ल्याचे बांधकाम कासवाच्या वेगाने सुरू झाले.

6 / 9

अखेरीस, किल्ल्याचे बांधकाम 1646 मध्ये पूर्ण झाले. त्यावेळी बोम्बा जमातीच्या 'सुलतान मुझफ्फर खान' याने याठिकाणी राज्य केले होते. त्याने याठिकाणी मुझफ्फराबाद वसवले.

7 / 9

1846 मध्ये या किल्ल्याची पुनर्बांधणी करण्यात आली. त्यावेळी डोगरा घराण्याचे महाराजा गुलाबसिंग येथे राज्य करीत होते.

8 / 9

डोगरा घराण्याच्या सैन्याने सन 1926 पर्यंत हा किल्ला वापरला. त्यानंतर ते सोडून गेले. त्यामुळे हा किल्ला ओसाड पडला होता.

9 / 9

हा किल्ला तिन्ही बाजूने नीलम नदीने व्यापलेला आहे. पाकिस्तानने या किल्ल्याकडे मोठ्या प्रमाणात दुर्लक्ष केले, त्यामुळे किल्ला ओसाड पडला. आता हा किल्ला उद्धवस्त झाल्यासारखा दिसत आहे.