Deep Dive Dubai: १९६ फुट खोल घेता येणार पोहण्याचा आनंद; पाहा जगातील सर्वात खोल पूलचे फोटो

1 / 10

पाणी पाहिलं की अनेकांना पोहण्याचा मोह आवरत आहे. पाणी जितकं खोल तितका थरारही अधिक आणि त्याच्याप्रति लोकांचं आकर्षणही वाढत जातं.

2 / 10

दुबईचे क्राऊन प्रिन्स हमदन बिन मोहम्मद अल मकतूम यांनी आपल्या ट्विटर अकाऊंटवरून दुबईच्या डीप डाईव्ह पूलचा एक व्हिडीओ शेअर केला आहे.

3 / 10

त्यांच्या या व्हिडीओनंतर लोकांकडून त्याबद्दल उत्तम प्रतिक्रिया मिळत आहेत. संपूर्ण जग तुमचं डीप डाईव दुबईमध्ये वाट पाहत आहे, असा संदेशही त्यांनी व्हिडीओ शेअर करत लिहिला आहे.

4 / 10

हा जगातील सर्वात खोल असलेला पूल आहे. याची खोली ६० मीटर म्हणजेच १९६ फुट आहे. क्राऊन प्रिन्स यांनी शेअर केलेल्या व्हिडीओध्ये काही स्विमर्स पूलमध्ये डाईव करताना दिसत आहेत.

5 / 10

गिनिज बुक ऑफ वर्ल्ड रेकॉर्डनं गेल्या महिन्यात या पूलाच्या खोलीबाबत माहिती पडताळली होती. त्यांच्या वेबसाईटवर दिलेल्या माहितीनुसार क्राँक्रिटचा वापर करून तयार करण्यात आलेल्या पूलची खोली ६०.०२ मीटर आहे.

6 / 10

याशिवाय यामध्ये अधिक खोल गेल्यावर निरनिराळ्या थीम्सही दिसून येतात. यामध्ये डायविंगच्या अनुभवासाठी अनेक प्रकार वापरण्यात आले आहे.

7 / 10

सुरूवातीला याचा वापर केवळ खासगी वापरासाठी करण्यात येत होता. परंतु या महिन्यापासून सर्वांना या पूलचा आनंद घेता येणार आहे.

8 / 10

डीप डाईव दुबईच्या अधिकृत ट्विटर हँडलवर दिलेल्या माहितीनुसार हा पूल लवकरच सर्वांसाठी खुला केला जाणार आहे. तसंच सर्वांना याचा अनुभव घेता येणार आहे.

9 / 10

या पूलच्या ओपनिंगशी निगडीत सर्व अपडेट्ससाठी आपल्याशी जोडून राहण्याचं आवाहनही त्यांनी केला आहे.

10 / 10

यापूर्वी जगातील सर्वात खोल असलेल्या पूलाचा विक्रम पोलंडच्या डीपस्पॉटच्या नावे होते. याची खोली ४५.५ मीटर म्हणजेच १५० फूट होती.