सिंथिया डी रिची आणि वादाचं जुनं नातं; बेनझीर भुट्टो यांच्यावरही आक्षेपार्ह भाष्य केलं होतं

1 / 9

पाकिस्तानचे माजी गृहमंत्री रेहमान मलिक यांच्यावर बलात्काराचा आरोप करणाऱ्या अमेरिकन महिला सिंथिया डी रिची आणि वादाचे जुने नाते आहे.

2 / 9

सिंथिया डी रिची यांनी आपल्या एका ब्लॉगमध्ये माजी पंतप्रधान बेनझीर भुट्टो यांच्याविरोधात आक्षेपार्ह भाष्य केले होते. त्यानंतर पाकिस्तान पीपल्स पार्टीच्या कार्यकर्त्यांनी त्यांच्याविरोधात अनेक एफआयआर दाखल केले होते.

3 / 9

पाकिस्तानमध्ये सिंथिया डी रिची यांच्याविरोधात फेडरल इन्व्हेस्टीगेशन एजन्सी तपास करत आहे. यानंतर सिंथिया डी रिची यांनी पाकिस्तान पीपल्स पार्टीच्या माजी नेत्यांवर गंभीर आरोप केले.

4 / 9

2011मध्ये माजी गृहमंत्री आणि पाकिस्तान पीपल्स पार्टीचे नेते रेहमान मलिक यांनी बलात्कार केल्याचा आरोप सिंथिया डी रिची यांनी केला आहे.

5 / 9

तसेच, पाकिस्तानचे माजी पंतप्रधान युसुफ रझा गिलानी आणि तत्कालीन आरोग्यमंत्री मखदूम शहाबुद्दीन यांच्यावरही शारीरिक आणि मानसिक छळ केल्याचा आरोप केला आहे.

6 / 9

याचबरोबर, सिंथिया डी रिची यांनी पाकिस्तान पीपल्स पार्टीकडून मला धमक्या दिल्या जात असल्याचे म्हटले आहे. तसेच, त्यांनी केलेल्या आरोपांचे पुरावे असल्याचा दावा केला असून चौकशी करण्याची मागणी केली आहे.

7 / 9

ज्यावेळी ही घटना घडली. त्यावेळी पाकिस्तान पीपल्स पार्टीचे सरकार होते. त्यामुळे हा घडलेला प्रकार सर्वांसमोर आणता आले नाही, असेही सिंथिया डी रिची यांनी म्हटले आहे.

8 / 9

सिंथिया डी रिची या स्वत:ला पाकिस्तान प्रेमी, Adventurer, फिल्म निर्माती असल्याचा दावा करतात. बऱ्याच वर्षांपासून त्या इस्लामाबादमध्ये राहत आहेत.

9 / 9

सुरुवातीच्या काळात पाकिस्तान पीपल्स पार्टीच्या नेत्यांशी सिंथिया डी रिची यांचे चांगले संबंध होते. मात्र, नंतर परिस्थिती बिघडत गेली. नुकतेच त्यांनी एकामागून एक ट्विट करून पाकिस्तान पीपल्स पार्टीवर निशाणा साधला आहे.