अमेरिका मैत्रीला जागला! भारताला व्हेंटिलेटर देणार अन् मिळून कोरोनाला हरवणार

1 / 12

भारताला अनुदानाच्या स्वरूपात व्हेंटिलेटर देणार असल्याचे अमेरिकेचे अध्यक्ष डोनाल्ड ट्रम्प यांनी सांगितले आहे.

2 / 12

ट्रम्प यांनी ट्विटमध्ये म्हटले आहे की, मला अभिमान आहे की अमेरिका भारतासारख्या माझ्या मित्राला व्हेंटिलेटर दानाच्या स्वरूपात देणार आहे.

3 / 12

या साथीच्या वेळी आम्ही सर्व भारतासमवेत उभे आहोत. आम्ही लस तयार करण्यात एकमेकांना मदत करत आहोत. एकत्र मिळून आम्ही कोरोनासारख्या शत्रूचा पराभव करू, असंही ट्रम्प म्हणाले आहेत.

4 / 12

राष्ट्राध्यक्ष ट्रम्प यांनी शुक्रवारी भारताचे पंतप्रधान नरेंद्र मोदी यांचे कौतुक केले. ते म्हणाले, भारत एक महान देश आहे आणि पंतप्रधान मोदी माझे खूप चांगले मित्र आहेत.

5 / 12

मी काही दिवसांपूर्वीच भारतातून परतलो आहे आणि आम्ही एकत्र (पंतप्रधान मोदी) राहिलो.

6 / 12

राष्ट्राध्यक्ष ट्रम्प यांनी आपल्या निवेदनात नवी दिल्ली, अहमदाबाद आणि आग्रा या दौ-यांचा उल्लेख केला. यापूर्वी व्हाईट हाऊसच्या वतीने असे म्हटले जात होते की, अध्यक्ष ट्रम्प हे भारताशी अमेरिकन संबंधांबद्दल खूप खूश आहेत.

7 / 12

भारत हा अमेरिकेचा प्रमुख भागीदार बनला आहे. अमेरिका भारताला 200 व्हेंटिलेटर देऊ शकेल, अशी माहिती सूत्रांकडून मिळाली आहे.

8 / 12

भारत आणि अमेरिका एकत्र मिळून लस तयार करीत आहेत जी लोकांना विनाशुल्क दिली जाऊ शकते. यापूर्वी अमेरिकेला मैत्रीखातर हायड्रॉक्सीक्लोरोक्विन औषधाचा पुरवठाही भारताने केला होता.

9 / 12

स्वत: ट्रम्प यांनी पंतप्रधान नरेंद्र मोदी यांना यासाठी विनंती केली होती. ट्रम्प यांची विनंती मान्य करत सरकारने औषधांचा मोठा माल अमेरिकेत पाठविला.

10 / 12

अमेरिकेने कोरोना रुग्णांच्या उपचारासाठी हे औषध मागितले होते.

11 / 12

हे औषध मोठ्या प्रमाणात भारतात तयार केले जाते, म्हणूनच अमेरिका आणि अध्यक्ष ट्रम्प यांची मागणी त्वरित पूर्ण झाली. यासाठी ट्रम्प यांनी पंतप्रधान नरेंद्र मोदी यांचे आभार मानले.

12 / 12

हायड्रॉक्सीक्लोरोक्विन औषधाचा पुरवठाही केल्याची परतफेड म्हणून अमेरिका भारताला व्हेंटिलेटर देणार असल्याची चर्चा आहे.