पाकमध्ये पुन्हा तालिबानी थैमान

1 / 9

अलीकडेच तालिबानच्या चार अतिरेक्यांना फासावर लटकविण्यात आले होते. त्याचा सूड घेण्यासाठी हल्ला केल्याचा दावा तालिबानने केला व हे हल्ले यापुढेही सुरूच राहतील असा इशाराही दिला.

2 / 9

पाकचे राष्ट्राध्यक्ष ममनून हुसेन व पंतप्रधान नवाज शरीफ यांनी या भ्याड हल्ल्याचा निषेध केला. दहशतवाद समूळ नष्ट करण्याच्या निर्धारापासून सरकार अशा हल्ल्यांमुळे हटणार नाही असे शरीफ म्हणाले.

3 / 9

पंतप्रधान नरेंद्र मोदी यांनी या हल्ल्याचा निषेध करून मृतांच्या नातेवाइकांप्रति संवेदना व्यक्त केली.

4 / 9

या अतिरेकी हल्ल्यानंतर विद्यापीठातील कर्मचारी आणि विद्यार्थी भेदरलेले असताना अशाही परिस्थितीत तेथील रसायनशास्त्राचे साहाय्यक प्राध्यापक सय्यद हामिद (३४) यांनी अतिरेक्यांशी दोन हात केले. मात्र विद्यार्थ्यांना वाचविताना अतिरेक्यांच्या गोळीबारात त्यांचा मृत्यू झाला.

5 / 9

हल्ला झाला त्या वेळी विद्यापीठात तीन हजार विद्यार्थी व चर्चासत्राला ६०० पाहुणे उपस्थित होते असे कुलगुरू डॉ. फजल रहीम यांनी सांगितले.

6 / 9

दोन वर्षांपूर्वी १६ डिसेंबर रोजी पेशावरमध्ये लष्करातर्फे चालविल्या जाणाऱ्या विद्यालयात असाच राक्षसी हल्ला करून १२६ निरागस विद्यार्थ्यांचे बळी घेतले होते.

7 / 9

लष्कराने प्रत्युत्तरादाखल कारवाई करत चारही हल्लेखोरांचा खात्मा करेपर्यंत त्यांनी वर्गखोल्या आणि वसतिगृहात शिरून केलेल्या बेछूट गोळीबाराने अंगाचा थरकाप उडविणारे रक्ताचे पाट वाहिले होते.

8 / 9

सरहद्द गांधी म्हणून ओळखले जाणारे थोर स्वातंत्र्यसेनानी खान अब्दुल गफ्फार खान यांचे नाव धारण करणाऱ्या या विद्यापीठात त्यांच्या २८ व्या पुण्यतिथीनिमित्त कवितांवर परिसंवाद सुरू असताना तालिबानींनी हा राक्षसी रक्तपात केला.

9 / 9

वायव्य पाकिस्तानातील अशांत खैबर पख्तुनवा प्रांतात चारसद्दा येथील प्रसिद्ध बादशहा खान विद्यापीठावर तालिबानी अतिरेक्यांनी बुधवारी (२० जानेवारी २०१६) सकाळी केलेल्या अमानुष हल्ल्यात विद्यार्थी व शिक्षकांसह किमान २५ जण ठार तर ५० जण जखमी झाले.