चीनची हालत बेक्कार! जिनपिंग यांनी अँजेला मार्केलसह अनेक बड्या नेत्यांना फिरवला फोन

1 / 11

भारत-चीन सीमा वादविवाद, हाँगकाँगमधील दादागिरी, तैवान आणि दक्षिण चीन समुद्रासारख्या मुद्द्यांवरून चीनवर जगभरातून टीका होत आहे.

2 / 11

युरोपच्या दौर्‍यावर गेलेले चीनचे परराष्ट्रमंत्री वांग यी यांनासुद्धा काही देशांनी कडक संदेश दिले आहेत. चीनच्या सर्व प्रमुख देशांसोबतचे बिघडलेले संबंध पाहून आता राष्ट्राध्यक्ष शी जिनपिंग स्वत: मैदानात उतरले आहेत.

3 / 11

प्राप्त झालेल्या अहवालानुसार, सोमवारी जिनपिंग यांनी स्वत: हून जर्मनीच्या चान्सेलर अँजेला मार्केल यांच्यासह अनेक युरोपियन युनियनच्या नेत्यांशी फोनवर संभाषण केले.

4 / 11

चीनच्या म्हणण्यानुसार, या चर्चा खूप अर्थपूर्ण ठरल्या आहेत. यावेळी चीन आणि युरोपियन युनियनमधील व्यापार, गुंतवणुकीच्या करारावर चर्चा वेगवान करण्यास सहमती दर्शविली आहे.

5 / 11

या फोन कॉल्समध्ये जिनपिंग यांनी राजकीय मुद्द्यांचा सामना करणे आणि युरोपियन युनियनशी संबंध वाढवण्याचा विश्वास यांसारख्या विषयांवर चर्चा केली आहे.

6 / 11

युरोपियन युनियन चीनची सर्वात मोठी व्यापारी भागीदार असूनही, त्यांच्याशी संबंधित असलेल्या 27 देशांचे बीजिंगबद्दलचे मत भिन्न आहे आणि ते चीनला प्रतिस्पर्धी म्हणून देखील पाहतात.

7 / 11

सध्या युरोपियन युनियनचे नेतृत्व असलेले मार्केल यांना कौन्सिलचे अध्यक्ष चार्ल्स मिशेल, कमिशनचे अध्यक्ष उर्सुला फॉन डेर लेयन आणि युनियनचे परराष्ट्र धोरण प्रमुख जोसेफ बोरेल यांचे पाठबळ आहे.

8 / 11

हाँगकाँगमध्ये नव्याने लागू केलेला चीनचा कायदा युरोपियन युनियनच्या फारसा पचनी पडलेला नाही. असे म्हटले आहे की, या कायद्यामुळे प्रादेशिक स्वायत्तता कमी झाली आहे.

9 / 11

अनेक देशांनी हाँगकाँगशी असलेले संबंधही कमी केले आहेत. ज्यामध्ये जर्मनी आणि फ्रान्स प्रमुख आहेत.

10 / 11

चिनी परराष्ट्रमंत्री वांग यांनी बर्लिनमधील चेक प्रजासत्ताकाच्या सिनेटचे अध्यक्ष मिलोस व्हेरसिल यांना भारी किंमत मोजण्याचा इशारा दिला.

11 / 11

त्यानंतर लगेचच त्याच बैठकीत बर्लिनच्या परराष्ट्रमंत्र्यांनी वांग यी यांना सांगितले होते की, आपण त्यांचा व्यासपीठ कोणत्याही युरोपियन देशाविरुद्ध वापरू देणार नाही. त्यांनी चेक प्रजासत्ताकाबरोबर जर्मनीची एकताही दाखविली.