एसआयपीला मोठा धक्का! एकाच महिन्यात ४४ लाखांहून अधिक SIP बंद; गुंतवणुकदार का घेताहेत माघार?

1 / 8

गेल्या काही वर्षांत म्युच्युअल फंड एसआयपी हा गुंतवणुकीचा सर्वात सोपा आणि विश्वासार्ह मार्ग बनला आहे. दरमहा छोटी रक्कम गुंतवून मोठा फंड तयार करण्याच्या सुविधेमुळे लाखो लोक याकडे आकर्षित झाले. मात्र, ताज्या आकडेवारीनुसार, आता परिस्थिती बदलताना दिसत आहे. मोठ्या संख्येने गुंतवणूकदार आपली एसआयपी बंद करत आहेत.

2 / 8

असोसिएशन ऑफ म्युच्युअल फंड्स इन इंडियाच्या आकडेवारीनुसार, सप्टेंबर २०२५ मध्ये तब्बल ४४.०३ लाख एसआयपी बंद झाल्या. ऑगस्ट महिन्यात हा आकडा ४१.१५ लाख होता, म्हणजेच एका महिन्यात बंद होणाऱ्या एसआयपीच्या संख्येत ७% ची वाढ झाली आहे.

3 / 8

गेल्या वर्षी याच महिन्यात सुमारे ४० लाख एसआयपी बंद झाल्या होत्या. हा ट्रेंड दर्शवतो की, गुंतवणूकदार आता त्यांच्या धोरणांवर पुनर्विचार करत आहेत. एसआयपी बंद करण्यामागे केवळ बाजारातील अस्थिरता हेच कारण नाही, तर अनेक धोरणात्मक आणि वैयक्तिक कारणे आहेत.

4 / 8

अनेक गुंतवणूकदार धोका कमी करण्यासाठी आणि चांगला परतावा मिळवण्यासाठी एका मोठ्या एसआयपीऐवजी अनेक लहान एसआयपीमध्ये गुंतवणूक विभागू इच्छितात. यासाठी त्यांना जुनी एसआयपी थांबवून नवीन धोरण स्वीकारावे लागते.

5 / 8

काही काळानंतर गुंतवणूकदारांना जाणवते की त्यांनी निवडलेला फंड त्यांच्या आर्थिक उद्दिष्टांशी किंवा जोखीम घेण्याच्या क्षमतेशी जुळत नाही. अशा परिस्थितीत एसआयपी थांबवून सिस्टिमॅटिक ट्रान्सफर प्लॅनद्वारे चांगल्या फंडात रक्कम हस्तांतरित करणे योग्य ठरते.

6 / 8

जर एखाद्या सेक्टर-आधारित फंडाची कामगिरी दीर्घकाळ कमकुवत असेल, तर त्यात एसआयपी सुरू ठेवणे तोट्याचे ठरू शकते. अशा वेळी गुंतवणूकदार अधिक व्यापक बाजारातील किंवा लार्ज कॅप फंड्समध्ये जाणे पसंत करतात.

7 / 8

नोकरी गमावणे, वैद्यकीय खर्च किंवा इतर कौटुंबिक आर्थिक संकटांमुळे एसआयपी थांबवणे ही अनेकांची मजबूरी बनते. अशावेळी तात्काळ पैशांची तरतूद करणे ही त्यांची प्राथमिकता असते.

8 / 8

एसआयपी कधीही बंद करू नये, असे अनेकदा म्हटले जाते. मात्र, तज्ज्ञ या मताशी पूर्णपणे सहमत नाहीत. त्यांचे म्हणणे आहे की, एसआयपी थांबवणे म्हणजे नेहमीच 'वाईट निर्णय' नसतो. हा निर्णय केवळ गरजेवर आणि योग्य आर्थिक सल्ल्यावर आधारित असावा. गुंतवणूकदारांनी आपल्या पोर्टफोलिओचे नियमितपणे पुनरावलोकन करणे आणि गरजेनुसार धोरणात्मक बदल करणे आवश्यक आहे.