PAN Card Uses: 'या' कामांसाठी पॅनकार्ड आवश्यक, अन्यथा...

PAN Card Uses : आर्थिक व्यवहारांसाठी पॅनकार्डचा वापर आवश्यक आहे.

नवी दिल्ली : भारतात पॅनकार्ड (PAN Card) हे एक महत्त्वाचे दस्तऐवज म्हणून पाहिले जाते. आर्थिक व्यवहारांसाठी पॅनकार्डचा वापर आवश्यक आहे. आयकर विभागाकडून पॅनकार्ड जारी केले जाते. दुसरीकडे, जर लोकांकडे पॅनकार्ड नसेल, तर त्यांची काही महत्त्वाची कामेही अडकू शकतात. यासाठी आर्थिक व्यवहारांव्यतिरिक्त अनेक कामांसाठी पॅनकार्ड आवश्यक आहे. कोणत्या कामांसाठी पॅन कार्ड आवश्यक आहे, ते जाणून घ्या...

ओळखीचा पुरावा म्हणून...

ओळख दाखवण्यासाठी पॅनकार्डचाही वापर केला जाऊ शकतो. आधार कार्ड किंवा मतदार ओळखपत्र व्यतिरिक्त, ओळखीचा पुरावा म्हणून पॅनकार्ड वापरू शकता. विविध प्रकारच्या आर्थिक व्यवहारांसाठी पॅन कार्ड स्वीकारले जातात.

गुंतवणुकीसाठी

जर तुम्हाला सिक्युरिटीजमध्ये गुंतवणूक करायची असेल, तर तुम्हाला 50,000 रुपयांपेक्षा जास्त व्यवहारांसाठी तुमचे पॅन डिटेल्स संबंधित अधिकाऱ्यांना द्यावे लागेल. म्युच्युअल फंड, डिबेंचर्स आणि इक्विटीसाठी देखील पॅन कार्ड माहिती आवश्यक आहे.

आयकर रिटर्नवर क्लेम

असे काही वेळा होते, जेव्हा कापलेला टीडीएस हा प्रत्यक्ष भरावा लागणार्‍या करापेक्षा जास्त असतो. अशा परिस्थितीत, करदात्यांच्या बँक खात्याशी पॅनकार्ड लिंक करून अतिरिक्त रकमेचा क्लेम केला जाऊ शकतो.

कर्जासाठी

कर्जाच्या अर्जाच्या वेळी, तुम्हाला तुमच्या पॅनकार्डसह सर्व आवश्यक कागदपत्रे सादर करणे आवश्यक आहे. शैक्षणिक कर्ज, वैयक्तिक कर्ज किंवा इतर कोणत्याही प्रकारच्या कर्जासाठी पॅन कार्ड आवश्यक आहे.

आयकर रिटर्न

आयकर रिटर्न भरण्यासाठी पात्र व्यक्ती आणि संस्थांकडे पॅनकार्ड असणे आवश्यक आहे.

बँक खाते उघडण्यासाठी

बँक खाते उघडण्यासाठीही पॅनकार्डचा वापर केला जातो.

रिअल इस्टेटसाठी

मालमत्ता खरेदी करताना, भाड्याने देताना किंवा विकताना पुरावा म्हणून पॅनकार्ड आवश्यक असते.

परकीय चलनासाठी

तुम्हाला तुमचे भारतीय चलन परकीय चलनात बदलायचे असल्यास, तुम्हाला तुमचे पॅनकार्ड डिटेल्स मनी एक्सचेंज संस्थेकडे जमा करावे लागतील.

वस्तू आणि सेवांच्या खरेदी

वस्तू आणि सेवांच्या खरेदी किंवा विक्रीसाठी, खरेदीदार किंवा विक्रेत्याला 2 लाख रुपयांपेक्षा जास्त व्यवहारांसाठी त्यांचे पॅनकार्ड डिटेल्स प्रदान करावे लागतील.

एफडीसाठी

तुम्हाला एफडीमध्ये 50 हजार रुपयांपेक्षा जास्त गुंतवणूक करायची असेल तर पॅन कार्ड आवश्यक आहे. हे आवश्यक आहे कारण बँक एफडी व्याजाच्या रकमेवर टीडीएस कपात करेल.

मोबाईल कनेक्शनसाठी

जर तुम्हाला नवीन फोन किंवा मोबाईल कनेक्शन घ्यायचे असेल तर तुम्हाला तुमचा पॅन नंबर सेल्युलर ऑपरेटरला द्यावा लागेल.

दागिने खरेदी करण्यासाठी

5 लाखांपेक्षा जास्त किमतीचे दागिने खरेदी करण्यासाठी पॅनकार्ड डिटेल्स सादर करावे लागतील.