Sovereign Gold Bond : मोदी सरकार देतंय स्वस्त सोनं खरेदी करण्याची संधी; पाहा काय आहेत दर आणि महत्त्वाच्या गोष्टी

1 / 8

Sovereign Gold Bond : तुम्ही स्वस्त सोने खरेदी करण्याचा विचार करत असाल तर तुमच्यासाठी एक आनंदाची बातमी आहे. मोदी सरकार स्वस्तात सोनं खरेदी करण्याची संधी घेऊन आले आहे.

2 / 8

परंतु हे सोनं तुम्हाला फिजिकल स्वरूपात मिळणार नाही. तुम्हाला १० ते १४ जानेवारी या कालावधीत सॉवरेन गोल्ड बॉन्ड स्कीम २०२१-२२ (Sovereign Gold Bond Scheme 2022-21) अंतर्गत सोन्यात गुंतवणूक करण्याची संधी मिळेल. म्हणजेच मोदी सरकार तुम्हाला पुन्हा एकदा सॉवरेन गोल्ड बॉन्डमध्ये गुंतवणूक करण्याची संधी देत ​​आहे.

3 / 8

सॉवरेन गोल्ड बॉन्ड हा एकप्रकारचा सरकारी बॉन्ड असतो जो रिझर्व्ह बँकेकडून जारी करण्यात येतो. त्याला डीमॅटच्या रुपात रुपांतरीत केलं जाऊ शकतं. तसंच यात शुद्धतेबाबत कोणतीही चिंता करण्याची गरज नसते.

4 / 8

गोल्ड बॉन्डची किंमत इंडियन बुलियन अँड ज्वेलर्स असोसिएशनकडून प्रकाशित केलेल्या २४ कॅरेट शुद्धतेच्या सोन्याच्या किंमतीशी लिंक असते. आरबीआयनं सोवरेन बॉन्डसाठी ४७८६ रुपये प्रति ग्रामचा दर निश्चित केला आहे.

5 / 8

ऑनलाइन अर्ज करण्यासाठी आणि डिजिटल पेमेंट करण्यासाठी, तुम्हाला प्रति ग्रॅम ५० रुपये सूट मिळेल. १ ग्रॅम सोन्यासाठी तुम्हाला ४,७३६ रुपये मोजावे लागतील. खरेदीसाठी इश्यू किंमत सेबीच्या अधिकृत ब्रोकरला द्यावी लागेल. बाँड विकल्यानंतर गुंतवणूकदाराच्या खात्यात पैसे जमा होतात.

6 / 8

सोवरेन गोल्ड बॉन्डमध्ये इश्यू प्राईजवर दरवर्षी निश्चितच २.५० टक्क्यांचं व्याज दिलं जातं. हे पैसे सहा महिन्यांमध्ये खात्यात पोहोचतात. परंतु टॅक्स स्लॅबनुसार यासाठी करही द्यावा लागतो.

7 / 8

यामध्ये गुंतवणूक करायची असल्यास त्यासाठी पॅनकार्ड आवश्यक आहे. हा बॉन्ड सर्व बँक्स, स्टॉक होल्डिंग कॉर्पोरेशन ऑफ इंडिया लिमिटेड, मान्यताप्राप्त स्टॉक एक्सचेंज, एनएसई आणि बॉम्बे स्टॉक एक्सचेंजच्या माध्यमातून विक्रीसाठी उपलब्ध असतील.

8 / 8

बँकेच्या शाखा, पोस्ट ऑफिस, स्टॉक एक्सचेंज आणि स्टॉक होल्डिंग कॉर्पोरेशन ऑफ इंडियाद्वारेही यामध्ये गुंतवणूक करता येऊ शकते.