त्रिग्रही योग: ५ राशींना सौभाग्य काळ, मनासारखे यश; चांगली डील शक्य, सूर्य-बुध-मंगळ शुभ करेल

1 / 9

२०२४ वर्ष सुरू झाल्यापासून ग्रहांच्या गोचरामुळे अनेकविध उत्तमोत्तम शुभ योग जुळून येत आहेत. नवग्रहांचा राजकुमार मानला गेलेला बुध ग्रह वृश्चिक राशीत मार्गी झाला आहे. जानेवारी महिन्याच्या दुसऱ्या आठवड्यात बुध ग्रह पुन्हा एकदा धनु राशीत प्रवेश करणार आहे.

2 / 9

आताच्या घडीला धनु राशीत नवग्रहांचा राजा मानला गेलेला सूर्य, नवग्रहांचा सेनापती मानला गेलेला मंगळ हे दोन ग्रह विराजमान आहे. या दोन्ही ग्रहांच्या योगाचा आदित्य मंगल योग जुळून आला आहे. यातच आता बुध ग्रह धनु राशीत प्रवेश करणार आहे. यामुळे सूर्य आणि बुध यांच्या युतीने बुधादित्य योग तसेच सूर्य, बुध आणि मंगळ यांचा त्रिग्रही योग जुळून येत आहे.

3 / 9

बुध ग्रहाच्या धनु राशीतील प्रवेशाने जुळून येत असलेल्या शुभ योगांचा काही राशींना लाभ होऊ शकतो, असे सांगितले जात आहे. आर्थिक आघाडी, नोकरी, करिअर, बिझनेस, शिक्षण यांसह जीवनातील अनेक आघाड्यांवर बुध ग्रहाच्या धनु गोचराचा ५ राशीच्या व्यक्तींवर कसा प्रभाव असू शकेल? जाणून घेऊया...

4 / 9

वृषभ: शुभ आणि सौभाग्याचा काळ येऊ शकेल. कामाच्या ठिकाणी शुभ परिणाम दिसतील. घरातील नातेवाईकांकडूनच नव्हे तर बाहेरील लोकांकडूनही विशेष सहकार्य मिळेल. नोकरदारांसाठी उत्पन्नाचे नवीन स्रोत निर्माण होतील. अचानक लांबचा प्रवास करावा लागू शकतो. प्रवासाचा लाभ मिळेल. मालमत्ता खरेदी-विक्रीची योजना आखत असाल तर स्वप्न पूर्ण होऊ शकते. वडील आणि वडिलांकडून मालमत्तेचे फायदे मिळू शकतात. एखाद्यासोबत प्रेमसंबंधात असाल तर घरच्यांकडून लग्नासाठी मान्यता मिळू शकते.

5 / 9

सिंह: करिअर आणि व्यवसायात अपेक्षित प्रगती, मनासारखे यश मिळण्याची शक्यता आहे. बराच काळ नोकरीच्या शोधात असाल, ही इच्छा पूर्ण होऊ शकेल. नोकरी करणार्‍या व्यक्तीसाठी काही मोठी जबाबदारी दिली जाऊ शकते. विद्यार्थी कोणत्याही स्पर्धा परीक्षेची तयारी करत असतात. काही चांगली बातमी मिळू शकते. दीर्घ कालावधीत केलेल्या मेहनतीमुळे काही विशेष यश मिळण्याची शक्यता आहे. आरोग्याची काळजी घ्या.

6 / 9

तूळः मोठे यश मिळू शकते. नोकरदारांसाठी आगामी काळ चांगला राहील. कामाच्या ठिकाणी अनेक महत्त्वाच्या जबाबदाऱ्या दिल्या जाऊ शकतात. हे पूर्ण करण्यासाठी अतिरिक्त मेहनत आणि प्रयत्न करावे लागतील. आरोग्य या कामात अडथळा ठरू शकते. विरोधक अडथळे निर्माण करण्याचा प्रयत्न करताना दिसतील. कुटुंब किंवा मित्रांच्या मदतीने मोठ्या समस्येचे निराकरण करण्यात यशस्वी व्हाल. कुटुंबात आनंदाचे वातावरण राहील. मेहनतीचे फळ मिळेल आणि आशीर्वाद मिळेल.

7 / 9

धनु: आळस आणि अहंकार सोडावा लागेल. नोकरदारांना एखादी जबाबदारी दिली असेल तर ती चोख पार पाडा. मुलाच्या काही कर्तृत्वामुळे काही मोठा मान-सन्मान मिळू शकतो. एखाद्या मोठ्या व्यक्तिमत्वाला भेटू शकता, ज्यांच्या भेटीचा भविष्यात फायदा होईल. व्यवसायाच्या दृष्टीकोनातून खूप शुभ काळ असणार आहे.

8 / 9

मीन: लाभाच्या अनेक संधी मिळू शकतात. करिअर आणि बिझनेसशी संबंधित काही चांगली माहिती मिळू शकते. केवळ कामाच्या ठिकाणीच नव्हे तर कुटुंबातही आदर वाढेल. व्यावसायिकांना चांगली डील मिळू शकते. बाजारातील झपाट्याने वाढीचा फायदा होईल. प्रियजनांसोबत आनंदाने वेळ घालवण्याच्या भरपूर संधी मिळतील. काही धार्मिक किंवा शुभ कार्यक्रमात सहभागी होण्याची संधी मिळू शकते.

9 / 9

- सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.