१३९ दिवस मंगळ अस्त: ७ राशींचे मंगल होईल, बक्कळ लाभ; इच्छा पूर्ण, २ राशींना अमंगलाचे संकेत!

1 / 12

नवग्रहांचा सेनापती मानला गेलेला मंगळ ग्रह वृश्चिक राशीत आहे. वृश्चिक राशीचे स्वामित्व मंगळ ग्रहाकडेच आहे. वृश्चिक राशीतील प्रवेशामुळे मंगळाचा रुचक राजयोग निर्माण होत आहे. परंतु, नोव्हेंबर महिन्यात मंगळ अस्तंगत होणार आहे.

2 / 12

एखादा ग्रह आणि सूर्य जेव्हा जवळच्या अंशांवरून गोचर करत असतात, तेव्हा पृथ्वीवरून तो ग्रह दिसेनासा होतो, तेव्हा त्या ग्रहाचा अस्त झाला असे म्हटले जाते. नोव्हेंबर महिन्यात सूर्य आणि मंगळ लगतच्या अंशांवरून गोचर करत आहेत. त्यामुळे मंगळ अस्त होणार आहे.

3 / 12

तसेच शुक्र मंगळाचा द्विद्वादश योग जुळून येत आहे. या ग्रहस्थितीचा अनेक राशींना लाभ होऊ शकतो. मंगळाचे गोचर, मंगळ अस्तंगत याचा सात राशींवर सकारात्मक परिणाम होऊ शकतो, तर दोन राशींवर विपरीत संमिश्र प्रभाव असू शकतो, असे म्हटले जात आहे. जाणून घेऊया...

4 / 12

मेष: अनेक क्षेत्रात लक्षणीय फायदा होऊ शकतो. मंगळाचा प्रभाव अनपेक्षित आर्थिक लाभ मिळवून देऊ शकतो. मालमत्तेशी संबंधित वाद सोडवता येतात. परदेशातील प्रकरणांमध्ये फायदा मिळू शकतो. परदेशात नवीन नोकरी किंवा व्यवसायाच्या संधी निर्माण होऊ शकतात. कामाच्या ठिकाणी कामाची प्रशंसा होईल. शिवाय, अधिक जबाबदारीसह पदोन्नती शक्य आहे. कुटुंब आणि मित्रांसोबत दर्जेदार वेळ घालवाल. नोकरीच्या शोधात असलेल्यांना काही चांगली बातमी ऐकायला मिळेल.

5 / 12

मिथुन: अनेक प्रकारे हा काळ खास असू शकतो. हा काळ आव्हानांवर मात करण्यासाठी, प्रयत्नांमध्ये यश मिळविण्यासाठी प्रेरणा देईल. अशा संयोगांमुळे मालमत्तेशी संबंधित बाबी मजबूत होऊ शकतील. जमीन आणि मालमत्तेतून नफा मिळू शकेल. अनेक स्रोतांमधून उत्पन्न वाढू शकेल. या काळात अतिरिक्त उत्पन्नाच्या संधी वाढतील. नोकरीत असलेल्या व्यक्ती साइड बिझनेस सुरू करून अतिरिक्त उत्पन्न मिळवू शकता.

6 / 12

कर्क: पाचव्या स्थानी मंगळ ग्रह असून, आठव्या स्थानी दृष्टी आहे. काही बाबतीत सावधगिरी बाळगणे आवश्यक आहे. बोलण्यावर संयम ठेवा. कारण त्यामुळे कामात व्यत्यय येऊ शकतो. महिलांनी सावधगिरी बाळगली पाहिजे. पालकांच्या आरोग्याची विशेष काळजी घ्या. आत्मविश्वास कमी होण्याची शक्यता आहे.

7 / 12

तूळ: या काळात अनपेक्षित आर्थिक लाभ होऊ शकतात. हा आत्मविश्वास, यश आणि धैर्य वाढण्याचा काळ आहे. एखादा मोठा प्रकल्प किंवा कार्य सुरक्षित करू शकाल. नवीन नोकरी, वाहन किंवा मालमत्ता मिळण्याची शक्यता आहे. या काळात एखाद्या धार्मिक किंवा शुभ कार्यक्रमात सहभागी होऊ शकता. मंगळ आणि शुक्राचा युती योग लाभदायक ठरू शकेल.

8 / 12

वृश्चिक: मंगळ आणि शुक्र ग्रहाचा द्विद्वादश योग सकारात्मक ठरू शकतो. अनेक दीर्घकाळापासूनच्या इच्छा पूर्ण होऊ शकतात. दीर्घकालीन कौटुंबिक वाद मिटू शकतात. मान-सन्मान आणि प्रतिष्ठा मिळू शकते. लक्षणीय आर्थिक लाभ होऊ शकतो. नवीन व्यवसाय किंवा उत्पन्नाचे स्रोत उघडू शकतात.

9 / 12

धनु: मंगळ आणि शुक्र ग्रहाचा द्विद्वादश योग चांगला ठरू शकतो. नोकरीतून फायदा होऊ शकतो. थोडा प्रवास करावा लागू शकतो, ज्यामुळे फायदा होईल. भागीदारी व्यवसायातून लक्षणीय नफा मिळू शकतो. अनपेक्षित आर्थिक लाभ होण्याची शक्यता आहे. जोडीदारासोबतचे नाते दृढ होईल.

10 / 12

मकर: काही समस्या निर्माण होऊ शकतात. विचारांवर अधिक परिणाम होईल. राग वाढू शकतो. नीट सुरू असलेली कामे बिघडू शकते. घाईघाईत चुकीचा निर्णय घेऊ शकता. जो भविष्यात त्रासदायक ठरू शकतो. बोलण्यावर थोडा संयम ठेवावा. काळजीपूर्वक विचार करून कोणताही निर्णय घ्यावा. मुलांच्या वर्तनातही बरेच बदल दिसून येऊ शकतात.

11 / 12

कुंभ: गुंतवणुकीतून किंवा मागील व्यवसायातून अनपेक्षित नफा मिळण्याची शक्यता आहे. याव्यतिरिक्त, या काळात प्रतिष्ठा वाढेल. नवीन संधी निर्माण होतील. कुटुंबात आणि सामाजिक वर्तुळात आदर वाढेल. मुलांशी संबंधित काही चांगल्या बातम्या मिळू शकतात. व्यवसायात मोठ्या व्यवहारांमुळे मोठा नफा होईल. शेअर बाजार आणि लॉटरीतून लाभ होऊ शकतो.

12 / 12

मीन: नशिबाची भक्कम साथ लाभू शकेल. उत्पन्नात वाढ दिसून येईल. उत्पन्नाचे नवीन स्रोत उदयास येऊ शकतात. कठीण वाटणारी व्यावसायिक उद्दिष्टे सहजपणे साध्य होतील. शेअर बाजार आणि लॉटरी गुंतवणुकीत अनपेक्षित नफा होऊ शकतो. नोकरी करणाऱ्या व्यक्ती अधिक पैसे कमवू शकतील. दीर्घकाळापासून रखडलेल्या योजनांना गती मिळेल. स्पर्धा परिक्षांमध्ये यश मिळू शकेल. करिअरमध्ये यश, प्रगतीची नवी उंची गाठू शकाल. मनोकामना पूर्ण होऊ शकेल. - सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.