१० गावातील शेतकऱ्यांना प्रशिक्षण

राष्ट्रीय शाश्वत शेती अभियानांतर्गत तालुक्यातील वंदन, वैतागवाडी, विटा खुर्द, वाडी पिंपळगाव येथे प्रशिक्षण पार पडले. तर बुक्तरवाडी, धार डिघोळ, बोंदरगाव, शिरोरी, निमगाव, मोहळा आदी गावांमध्ये राष्ट्रीय शाश्वत शेती अभियानअंतर्गत प्रत्येक गावातील ३० शेतकऱ्यांना प्रशिक्षण देण्यात येणार आहे. यात जमिनीच्या आरोग्य पत्रिकेनुसार खताची मात्रा कशा प्रकारचे द्यायची, त्यामुळे जमिनीचा पोत चांगला राहील, याविषयी मार्गदर्शन करण्यात आले. तसेच ग्रामपंचायतीमध्ये पिकानिहाय कशा प्रकारचे व कोणत्या प्रकारची खते वापरायची, याचे फलक लावण्यात आले. माती परीक्षण का करावे? माती परीक्षणाचे फायदे व माती परीक्षण कशा प्रकारे करावे? याचेही यावेळी मार्गदर्शन करण्यात आले. यासाठी वसंतराव नाईक कृषी विद्यापीठातील शास्त्रज्ञ महेश भोसले, राम कदम, सौरभ सापडे, मुकेश कुमार, तालुका कृषी अधिकारी, पुणेचे गणेश कोरेवाड, मंडल कृषी अधिकारी समीर वाळके, सुहास कौलगे यांनी मार्गदर्शन केले. कार्यक्रमाच्या आयोजनासाठी कृषी सहायक रमेश झाडे, विवेक राऊत, एस. आर. घेवारे, एस. एम. वाघमारे, व्ही. पी. इंगळे यांनी परिश्रम घेतले.