वीज चोरी प्रकरणी सेलूत तिघांवर गुन्हा

आकडे टाकून वीज चोरी केल्याची अन्य एक घटनाही सेलूतच घडली. शहरातील लक्कडकोट भागात महावितरणचे कर्मचारी विजेचे मीटर तपासत असताना वीज ग्राहक राजू पंडित टाके व वापरकर्ते गजानन पंडित टाके यांनी आकडे टाकून अनाधिकृत वीज जोडणी घेतल्याचे दिसून आले. यावेळी त्यांनी ३० हजार ३३० रुपयांची वीज चोरी केल्याचे समोर आले. त्यामुळे त्यांना तडजोडीचे १० हजार व वीज चोरीची रक्कम असा एकूण ४० हजार ३३० रुपयांची रक्कम भरण्यास सांगण्यात आले; परंतु त्यांनी ही रक्कम भरली नाही. त्यामुळे उपकार्यकारी अभियंता पप्पू गोरे यांनी सेलू पोलीस ठाण्यात मंगळवारी फिर्याद दिली. त्यावरून राजू पंडित टाके व गजानन पंडित टाके यांच्या विरोधात गुन्हा दाखल करण्यात आला आहे.