बाजारपेठेत खरेदीसाठी नागरिकांची मोठी गर्दी

कोरोना संसर्गामुळे जिल्ह्यात संचारबंदी लागू करण्यात आली आहे. या संचारबंदी काळात सर्व व्यवहार बंद ठेवण्याचे आदेश जिल्हाधिकाऱ्यांनी दिले होते. याच दरम्यान, १ ते ४ एप्रिल या काळात किराणा दुकान व भाजीपाला दुकाने सकाळी ७ ते ११ यावेळेत सुरू ठेवण्याची परवानगी दिली होती. त्यामुळे ४ दिवस ही बाजारपेठ खुली राहणार असल्याने नागिरकांनी खरेदीसाठी मोठी गर्दी केली आहे. सकाळी ७ वाजेपासूनच भाजीपाला खरेदीसाठी नागरिक घराबाहेर पडत आहेत. शहरातील कच्छी बाजार, शिवाजी चौक, नानलपेठ या परिसरातील किराणा दुकानांवरही मोठी गर्दी पाहावयास मिळाली. जिल्हाधिधकाऱ्यांच्या आदेशानुसार ४ एप्रिलपर्यंतच ही बाजारपेठ सुरू राहणार आहे. त्यामुळे सोमवारी नागरिकांनी बाजारपेठेत दाखल होऊन किराणा साहित्य व भाजीपाल्याची खरेदी केली. विशेष म्हणजे याच काळात परवानगी नसलेली काही दुकानेही सुरू असल्याची बाब निदर्शनास आली. येथील अष्टभूजा देवी मंदिरापासून ते शिवाजी चौकापर्यंत दोन्ही बाजूंनी रस्त्यांवर गर्दी होती.