दहा दिवसांमध्ये अवैध वाळू उपशाविरुद्ध पाच कारवाया

४ एप्रिल रोजी मानवत येथे स्थानिक गुन्हा शाखेच्या पथकाने अवैध वाळू उपशाप्रकरणी कारवाई करीत एक जेसीबी, दोन टिप्पर, ७ ट्रॅक्टर, एक लोडर, असा २ कोटी रुपयांचा ऐवज जप्त केला होता. ६ एप्रिल रोजी पूर्णा तालुक्यातील कानडखेड शिवारात एक ट्रॅक्टर आणि एक ब्रास वाळू, असा ३ लाख ३ हजार याच शिवारात आणखी एका कारवाईत एक ट्रॅक्टर आणि एक ब्रास वाळू पोलिसांनी जप्त केली. गंगाखेड तालुक्यातील दुसलगाव शिवारात ६ एप्रिल रोजी वाळू उपसा करणाऱ्या दोन जेसीबी व अन्य एका वाहनासह २०० ब्रास वाळू, असा १ कोटी ५६ लाख रुपयांचा ऐवज जप्त केला होता. गौंडगाव शिवारात ८ एप्रिल रोजी ६६ लाख ३७ हजार ५०० आणि धसाडी शिवारात ६ एप्रिल रोजी केलेल्या कारवाईत ७ ट्रॅक्टर आणि अडीच ब्रास वाळू, असा २८ लाख १२ हजार ५०० रुपयांचा मुद्देमाल जप्त केला आहे.