दारूच्या पैशांवरून वडील, भावास मारहाण

शहरातील ऑटोचालक शेख नदीम शेख अखिल यांना व त्यांच्या वडिलांना त्यांचा भाऊ शेख मोबीन हा नेहमी दारू पिण्यासाठी पैसे मागायचा. ७ मार्च रोजी सकाळी ९ वाजता शेख मोबीन हा वडील व भाऊ शेख नदीम यांना पैसे मागू लागला. त्यावेळी शेख नदीम यांनी पैसे नाहीत. तू नेहमी पैसे मागून त्रास देतोस, म्हणताच शेख मोबीन याने शिवीगाळ सुरू केली. तसेच थापड-बुक्क्यांनी मारहाण करीत बाजूला पडलेला फरशीचा तुकडा उचलून शेख नदीम यांच्या उजव्या पायाच्या अंगठ्यावर मारून दुखापत केली. वडील सोडविण्यास आले असता त्यांनाही थापड-बुक्क्यांनी मारहाण केली. तसेच जीवे मारण्याची धमकी दिली. यावेळी इतरांनी सोडवासोडव केली. याबाबत शेख नदीम नानलपेठ पोलीस ठाण्यात तक्रार दिली. त्यावरून आरोपी शेख मोबीन याच्याविरुद्ध गुन्हा दाखल करण्यात आला आहे.