विराट-वॉर्नर आज आमनेसामने

रॉयल चॅलेंजर्स बेंगळुरू संघाला आज गत चॅम्पियन सनरायजर्स हैदराबादच्या आव्हानाला सामोरे जावे लागेल.

ऑनलाइन लोकमत 

बंगळुरू, दि 25 - गेल्या लढतीतील पराभवाच्या धक्क्यातून सावरण्यासाठी प्रयत्नशील असलेल्या रॉयल चॅलेंजर्स बेंगळुरू संघाला आज गत चॅम्पियन सनरायजर्स हैदराबादच्या आव्हानाला सामोरे जावे लागेल. स्पर्धेतील आव्हान कायम राखण्यासाठी त्यांना या लढतीत विजय मिळवणे आवश्यक आहे. त्यामुळे विराट-वॉर्नर ही लढत रोमांचक ठरेल. 

आयपीएलच्या इतिहासात नीचांकी धावसंख्येवर पराभूत होणयाची वेळ विराट अँड कंपनी गेल्या सामन्यात आली होती. या सामन्यात आरसीबीच्या एकाही फलंदाजाला दुहेरी धावसंख्या नोंदवता आली नव्हती. सात सामन्यांत केवळ चार अंकांची कमाई करणारा आरसीबी संघ गुणतालिकेत सर्वांत तळाच्या स्थानावर आहे. त्यामुळे आता त्यांच्यासाठी ‘करा अथवा मरा’ अशी स्थिती आहे. त्यांच्या तीन स्टार फलंदाजांना कामगिरीत सातत्य राखता आलेले नाही.