मुंबई : मला फार चीड येतेय, मी आता का खेळत नाहीय... असं वाटतंय या ट्रॉफीसाठी का होईना, पुन्हा एकदा मुंबई श्रीच्या मंचावर उतरावं... ही ट्रॉफी जिल्हा अजिंक्यपदाची नव्हे तर जगज्जेतेपदाची वाटतेय... अन् ती पाहताच ट्रॉफी, कलेजा खलास झाला...शरीरसौष्ठव क्षेत्रातील दिग्गजांच्या एकापेक्षा एक अशा भावनांनी स्पार्टन मुंबई श्रीच्या किताब विजेत्या चषकाचं मोठ्या धुमधडाक्यात अनावरण करण्यात आलं. अद्वितीय... अप्रतिम... जबरदस्त... अशी विशेषणंही कमी वाटावीत इतक्या सुंदर चषकाची पहिली झलक पाहिल्dयानंतर हा चषक आपल्dयाकडेच आला पाहिजे, यासाठी मुंबईच्या पीळदार शरीरसौष्ठवपटूंनी आपल्या वर्पआऊटला आणखी जोर लावल्याचे चित्र दिसत आहे.
मुंबई शरीरसौष्ठवाची प्रतिष्ठा असलेली स्पार्टन मुंबई श्री यंदा इतिहास घडवणार, याची पहिली झलक चषक अनावरण सोहळ्याच दिसली. मुंबईच्या शरीरसौष्ठवाला खऱया अर्थाने श्रीमंत करण्याचे स्वप्न उराशी बाळगून मुंबई श्रीच्या आयोजनाचे शिवधनुष्य उचलणाऱया आरोग्य प्रतिष्ठानने चषक अनावरण सोहळ्यालाच उपस्थित शरीरसौष्ठव संघटक आणि शरीरसौष्ठवपटूंची मनं जिंकली. भारतीय शरीरसौष्ठव महासंघाचे सर्वेसर्वा चेतन पाठारे आणि मुंबई शरीरसौष्ठव संघटनेचे अमोल किर्तीकर, अजय खानविलकर, राजेश सावंत, सुनिल शेगडे, विक्रम रोठे आणि स्पार्टन न्यूट्रिशियनचे वृषभ चोकसी या शक्तीशाली संघटकांच्या उपस्थितीत चषकाचे अनावरण करण्यात आले. चषकाची पहिली झलक पाहताच उपस्थितांनी अद्वितीय अशी दाद दिली. चषकाचं रूप पाहून सारेच आश्चर्यचकित झाले. इतकी कल्पक, भव्यदिव्य ट्रॉफी आजवर कोणत्याही स्पर्धेला देण्यात आली नसावी. ती ट्रॉफी पाहून सारेच तिच्या प्रेमात पडले. त्यामुळे तिला जिंकण्यासाठी पुन्हा एकदा दोनशेपेक्षा अधिक शरीरसौष्ठवपटूंमध्ये जोरदार द्वंद्व रंगणार असल्याचे स्पष्ट झाले आहे.
मी आता का खेळत नाहीय... श्याम रहाटे
दोनवेळा मुंबई श्रीचा बहुमान पटकावणारा श्याम रहाटेसुद्धा मुंबई श्रीच्या प्रेमात पडला. चषकाचं भव्यदिव्य रूप पाहून तो म्हणाला, मला चीड येतेय, मी आता का खेळत नाहीय? या चषकासाठी पुन्हा एकदा मुंबई श्रीच्या मंचावर उतरण्याची माझी इच्छा झालीय. ही ट्रॉफी मुंबई श्रीच्या भव्यतेची साक्ष देतेय.
मुंबई श्रीच्या ट्रॉफीला तोड नाही - मनीष आडविलकर
मी अनेकवेळा मुंबई श्रीसाठी माझी सर्वोत्तम कामगिरी दिली. मी ती कधीच जिंकू शकलो नाही. पण आज पुन्हा वाटलं की या ट्रॉफीसाठी का होईना पुन्हा एकदा पोझ मारूया. मुंबईकरांसाठी मुंबई श्रीचं महत्त्व फार वेगळं आहे आणि यंदाच्या ट्रॉफीला तर तोडच नाही. ही ट्रॉफी जिंकणारा मुंबई श्री खरोखरच भाग्यवान असेल.
मुंबई श्रीला आंतरराष्ट्रीय दर्जा - खानविलकर
आरोग्य प्रतिष्ठानच्या किरण कुडाळकर, प्रभाकर कदम, गजानन टक्के, राजेश निकम, विशाल परब, जयदीप पवार या संघटकांनी केलेल्dया किमयेमुळे मुंबई श्रीला आंतरराष्ट्रीय पातळीवर नेऊन ठेवलेय. मुंबई श्रीच्या जबरदस्त चषकामुळे आता राष्ट्रीय आणि आंतरराष्ट्रीय स्पर्धांच्या आयोजनात पुढाकार घेणाऱया चेतन पाठारेंवर आणखी दबाव वाढला आहे. आता त्यांना मुंबई श्रीपेक्षा चांगली ट्रॉफी बनवावी लागेल. हेसुद्धा एक आव्हान असेल.
दीड महिन्यात साकारला फिरता चषक
यंदा मुंबई श्री किताब विजेत्या काही आगळंवेगळं द्यायचं, हे आमच्या मनात असल्dयाची भावना आयोजक प्रभाकर कदम यांनी मांडली. चषकात शरीरसौष्ठवाचं सारंकाही असलेल्dया सात पोझेस दिसल्dया पाहिजेत, ही आमची भावना होती. आमच्या कल्पनेपेक्षा भव्य आणि दिव्य ट्रॉफी मंगेश सुतार यांनी साकारलीय. सुतार यांनी दीड महिन्यात मूर्तीकार गणेश हासमकर यांच्या मदतीने सात खेळाडूंच्या सात पोझेसच्या मूर्त्या बनवल्dया. हेच काम सर्वाधिक वेळखाऊ होतं. त्यावर मग सहा हातात सामावलेली पृथ्वी दाखवण्यात आली. 19 किलो वजनाच्या या चषकाचं वैशिष्ट्य म्हणजे सात पोझेस मारणारे खेळाडू मोटरच्या साहाय्याने फिरतात ते. हा फिरता चषकच यंदाच्या स्पर्धेचं विशेष आकर्षण आहे.