Latest Other Sports News | Other Sports Marathi News | Latest Other Sports News in Marathi | अन्य क्रीडा: ताज्या मराठी बातम्या

Manish Narwal wins SILVER for India : पॅरिस पॅरालिम्पिकच्या दुसऱ्या दिवशी भारतीय शिलेदारांनी चमकदार कामगिरी केली. अवनी लेखराने सुवर्ण पदकाचा बचाव करत इतिहास रचला. अवनी लेखरा पाठोपाठ भारताचा आणखी एक स्टार नेमबाज मनीष नरवालने इतिहास रचला आहे. त्याने पुरुषांच्या १० मीटर एअर पिस्तूल प्रकारात भारतासाठी रौप्य पदक जिंकले. सलग दुसऱ्या पॅरालिम्पिकमध्ये पदकावर त्याने निशाणा साधला. यापूर्वी टोकियो पॅरालिम्पिकमध्ये मनीषने सुवर्ण पदक जिंकले होते. शुक्रवारी अवनी लेखराने सुवर्ण पदक जिंकून भारताच्या पदकाचे खाते उघडले. त्यानंतर मोना अग्रवाल आणि प्रीती पाल यांनी कांस्य पदक जिंकले. आता मनीषने रौप्य पदक जिंकून पदकांचा चौकार मारला. मनीष नरवालचा जन्म १७ ऑक्टोबर २००१ रोजी झाला. त्याचा उजवा हात लहानपणापासून काम करत नव्हता. कुटुंबीयांनी डॉक्टरांचा सल्ला घेतला पण मनीषचा हात बरा करण्यात त्यांना यश आले नाही. मनीष कळत्या वयात आल्यानंतर त्याला फुटबॉलची आवड लागली. पण एके दिवशी फुटबॉल खेळत असताना त्याच्या उजव्या हाताला दुखापत झाली. मात्र त्याला याबाबत काही जाणवले नाही. त्याच दिवशी त्याच्या पालकांनी त्याला फुटबॉल सोडून देण्यास सांगितले. वडिलांच्या एका मित्राच्या विनंतीवरून मनीषने शूटिंग सुरू केले. त्यातही त्याला लगेच रस वाटू लागला. पण आता पिस्तूल घेण्यासाठी पैसे नव्हते, म्हणून वडील दिलबाग यांनी त्यांचे घर सात लाख रुपयांना विकले आणि पिस्तूलची खरेदी केली. याच मुलाने पॅरालिम्पिकमध्ये देशासाठी पदके जिंकून आपल्या पालकांचे नाव रोशन केले. अवनी लेखराला गोल्डसुवर्ण पदकासाठी काही वेळ भारताच्या दोन खेळाडूंमध्ये चुरस झाली. मोना अग्रवाल काही वेळ अव्वल स्थानी राहिली. पण यानंतर कोरियन नेमबाजने पहिला क्रमांक पटकावला. मग अवनी तिसऱ्या क्रमांकावर घसरली होती. मात्र, तिने जबरदस्त पुनरागमन केले. भारताच्या मोनाचा प्रवास २२ शॉट्सनंतर तिसऱ्या क्रमांकावर संपला. २४व्या आणि शेवटच्या शॉटमध्ये अवनीने १०.५, तर दक्षिण कोरियाच्या युनरीने ६.८ असा स्कोअर केला. अशा प्रकारे अवनीने सुवर्ण पदक जिंकले. पॅरिस पॅरालिम्पिकमध्ये भारताला स्पर्धेच्या दुसऱ्याच दिवशी सुवर्ण पदक जिंकता आले. अवनी लेखरा हिने सोनेरी कामगिरी करत तमाम भारतीयांना जल्लोष करण्याची संधी दिली. पॅरिस पॅरालिम्पिकमध्ये देशाला पहिले सुवर्ण पदक मिळाले आहे. भारताच्या अवनी लेखरा हिने महिलांच्या १० मीटर एअर रायफल एकेरीत सुवर्ण पदक पटकावले.

Other Sports (Marathi News)

रिपेचेज फेरीत ७:५४.३३ वेळेसह निर्धारित अंतर पार करत ही जोडी तिसऱ्या स्थानावर राहिली ...

ऑस्ट्रेलियाच्या २५ वर्षीय अ‍ॅलेक्शी पोपिरिन याने अनुभवी आणि नावाजलेल्या खेळाडूला पराभूत केले. ...

विनेश फोगाटने शेतकऱ्यांच्या आंदोलनात सहभाग नोंदवला. ...

तिसऱ्या दिवशी वेगवेगळ्या इवेंटमध्ये भारतीय खेळाडूंना पोडियम फिनिश करण्याची संधी असेल. ...

पॅरिस पॅरालिम्पिक स्पर्धेच्या दुसऱ्या दिवशी पदक जिंकणाऱ्या खेळाडूंची यादी ...

नेमबाजी हा माझ्या डाव्या हाताचा खेळ आहे, हे त्याने अगदी अल्पावधित सिद्ध करुन दाखवलं आहे. ...

preeti pal paralympics : प्रीती पालने कांस्य पदकाची कमाई केली. ...

Paris Paralympics 2024 Day 2 Live : पॅरिस पॅरालिम्पिकमध्ये भारताला आणखी एक पदक मिळाले. ...