Nishad Kumar : पॅरालिम्पिक स्पर्धेत दुसरे 'रौप्य', निषादच्या उंच उडीने वाढवली देशाची शान
By ऑनलाइन लोकमत | Published: August 29, 2021 06:06 PM2021-08-29T18:06:28+5:302021-08-29T18:20:25+5:30
Nishad Kumar : निषादने दमदार कामगिरी करत पहिल्या 3 मध्ये स्थान मिळवले होते. आज त्याची अमेरिकेतील 2 खेळाडूंशी स्पर्धा होती. त्यात, निषादने रौप्य पदकाला गवसणी घातली.
Nishad Kumar : पॅरालिम्पिक स्पर्धेत दुसरे 'रौप्य', निषादच्या उंच उडीने वाढवली देशाची शान
नवी दिल्ली - टोकियो पॅरालिम्पिक स्पर्धेतून भारतीयांना आनंद देणारी आणखी एक बातमी आली आहे. भारताच्या निषाद कुमारने चमकदार कामगिरी करत इतिहास रचला. निषादने उंच उडीत देशासाठी रौप्य पदक जिंकलं आहे. निषादने दमदार कामगिरी करत पहिल्या 3 मध्ये स्थान मिळवले होते. आज त्याची अमेरिकेतील 2 खेळाडूंशी स्पर्धा होती. त्यात, निषादने रौप्य पदकाला गवसणी घातली.
निषादने मिळवलेल्या यशाबद्दल पंतप्रधान नरेंद्र मोदींनी ट्विट करुन निषादचे अभिनंदन केले आहे. निषाद एक विलक्षण धावपटू आहेत, त्यांनी कौशल्याच्या जोरावर उल्लेखनीय खेळ केला. त्यांचे अभिनंदन... असे ट्विट मोदींनी केले आहे.
More joyful news comes from Tokyo! Absolutely delighted that Nishad Kumar wins the Silver medal in Men’s High Jump T47. He is a remarkable athlete with outstanding skills and tenacity. Congratulations to him. #Paralympics
— Narendra Modi (@narendramodi) August 29, 2021
निषाद मूळचा हिमाचल प्रदेशच्या उना येथील रहिवाशी आहे. पॅरालिम्पिक स्पर्धेपूर्वी त्याने बंगळुरूच्या कोचिंग कॅम्पमध्ये मोठा सराव केला होता. त्याच्या या यशानंतर त्याच्या गावात जल्लोष साजरा केला जात आहे.
काँग्रेस नेते खासदार राहुल गांधी यांच्याकडूनही अभिनंदन
Another #Silver for India on National Sports Day.
— Rahul Gandhi (@RahulGandhi) August 29, 2021
Congratulations to Nishad Kumar for the stellar performance. You’ve done our country proud. #TokyoParalympicspic.twitter.com/byO6vm28KI
भाविना पटेलचीही रौप्य कमाई
टोकियोत सुरू असलेल्या पॅरालिम्पिक स्पर्धेत भारताची टेबल टेनिसपटू भाविना पटेल हिला Class 4 च्या अंतिम फेरीत रौप्य पदकावर समाधान मानावे लागले. Class 4 च्या अंतिम लढतीत भाविनाचा सामना चीनच्याच यिंग झोयूशी झाला आहे. भावनाच्या विजयानंतर देशभरातून तिचं कौतुक होत आहे. तसेच, तिच्यावर बक्षिसांचा वर्षावही सुरू आहे. गुजरात सरकारने तिच्या चंदेरी कामगिरीची दखल घेत राज्य सरकारकडून 3 कोटी रुपये बक्षीस जाहीर केलं आहे.
