ऑलिम्पिकमध्ये मनप्रीत व मेरी कोम भारताचे ध्वजवाहक

भारतीय ऑलिम्पिक महासंघाने (आयओए) या स्पर्धेच्या आयोजन समितीला आपला निर्णय कळविला आहे.

नवी दिल्ली : सहावेळची विश्वचॅम्पियन व लंडन ऑलिम्पिकची कांस्यपदक विजेता बॉक्सर एमसी मेरी कोम व पुरुष हॉकी संघाचा कर्णधार मनप्रीत सिंग २३ जुलैपासून टोकियोमध्ये प्रारंभ होत असलेल्या ऑलिम्पिक स्पर्धेच्या उद्घाटन समारंभात भारताचे ध्वजवाहक असतील. या स्पर्धेत भारतातर्फे पदकाचा सर्वात मोठ्या दावेदारांपैकी मल्ल बजरंग पूनिया ८ ऑगस्टला समारोप समारंभात भारतीय ध्वजवाहकाची भूमिका बजावेल.

भारतीय ऑलिम्पिक महासंघाने (आयओए) या स्पर्धेच्या आयोजन समितीला आपला निर्णय कळविला आहे. ऑलिम्पिकमध्ये प्रथमच भारताचे दोन ध्वजवाहक (एक पुरुष व एक महिला) राहणार आहे. आयओए प्रमुख नरिंदर बत्रा यांनी अलीकडेच आगामी टोकियो ऑलिम्पिकसाठी ‘लैंगिक समानता’ निश्चित करण्यासाठी याची माहिती दिली होती.  मेरी कोम म्हणाली, ‘माझ्यासाठी हा महत्त्वाचा क्षण असेल.’,