आंतर सहकारी बँक कॅरम स्पर्धेत मंदार भरताव आणि संध्या बापेरकर यांनी अनुक्रमे पुरुष एकेरी व दुहेरी आणि महिला एकेरी व दुहेरी गटाचे जेतेपद नावावर केले.
अग्रमानांकित मंदार भरतावने तीन गेम रंगलेल्या रोमहर्षक लढतीत तिसरा मानांकित वसीम खानचा २५-०, १२-२५, २५-११ अशी कडवी झुंज मोडीत काढली आणि तिसऱ्यांदा विजेतेपदाचा मानकरी ठरला. महिला एकेरीच्या अंतीम फेरीच्या सामन्यात अग्रमानांकित संध्याने सहकारी उषा कांबळेचा तीन गेम रंगलेल्या चुरशीच्या लढतीत ९-२५, २५-१२, २५-९ असा संघर्षपूर्ण विजय मिळवत पहिल्यांदाच महिला गटाच्या विजेतेपदावर नाव कोरले.
महिला दुहेरी गटाच्या अंतिम फेरीत अग्रमानांकित संध्या बापेरकर / उषा कांबळे यांनी एकतर्फी सरळ दोन गेममध्ये मानसी पाटील / संगीता बेंबडे यांना २५-०, २५-४ अशी धुळ चारली. पुरुष दुहेरी गटाच्या अंतिम फेरीत मंदार भरताव / गितेश कोरगावकर यांनी महादेव जाविर / प्रियेश पाठक यांचा ५-२५, २५-१, २५-१ असे नमवले