लोकल बातम्या

प�

��ंडे ले-आऊट येथे टेटे प्रशिक्षण शिबिर
नागपूर : खामलाप्लॉट होल्डर्स को- ऑप हाऊसिंग सोसायटी द्वारा पांडे ले-आऊट येथे शालेय विद्यार्थ्यांसाठी टेबल टेनिस प्रशिक्षण वर्ग सुरू होतआहेत . पांडे ले-आऊट सभागृहात हे वर्ग सायंकालीन सत्रात घेण्यात येतील. राजू मोपकर तसेच डॉ. अशोक कळंबे यांच्या मार्गदर्शनात प्रशिक्षण चालणार असून इच्छुकांनी संपर्क करावा, असे संस्थेचे अध्यक्ष ईश्वर आष्टनकर यांनी एका पत्रकाद्वारे कळविले आहे. (क्रीडा प्रतिनिधी)
.........................................
जिल्हा सब ज्युनियर ॲथ्लेटिक्स संघ जाहीर
प्रज्वल, वृशाली यांच्याकडे नेतृत्व
नागपूर : प्रज्वल सबळ आणि वृशाली घारड हे रविवारी पुण्यात आयोजित राज्य सब ज्युनियर ॲथ्लेटिक्स अजिंक्यपद स्पर्धेत नागपूर जिल्हा संघाचे मुले तसेच मुलींच्या संघाचे नेतृत्व करतील. बाबूराव सणस मैदानावर स्पर्धा होणार आहेत. १४ वर्षे गटाच्या या स्पर्धेतील कामगिरीच्या आधारे राष्ट्रीय स्पर्धेसाठी महाराष्ट्र संघ निवडण्यात येईल. जितेंद्र घोरदडेकर हे संघ प्रशिक्षक आहेत. व्यवस्थापकपदाची जबाबदारी रामचंद्र वाणी तसेच सहायक व्यवस्थापकाची जबाबदारी अश्विनी भोयर यांच्याकडे असेल.
संघ मुले : प्रज्वल सबळ, जयंत वरंभे , सौरव दुबे, तेजस वधुधे, चंद्रशेखर ठाकरे, प्रथमेश मुंडले, करण वासाडे. मुली : वृशाली घारड, अवंती हटवार , मानसी पी., साक्षी रहाटे , तन्नु लिल्हारे.
....................................................
जिगेश, शार्विका, आर्यन, सोहम यांची विजयी सलामी
जिल्हा बॅडमिंटन अजिंक्यपद स्पर्धा सुरू
नागपूर : जिगेश इसरानी, शार्विका मोकदम, आर्यन मांडवगणे आणि सोहम के.यांनी शानदार विजयासह आजपासून येथील सुभेदार सभागृहात सुरू झालेल्या जिल्हा बॅडमिंटन अजिंक्यपद स्पर्धेत शुक्रवारी दहा वर्षे गटात विजयी सलामी दिली.
मुलांमध्ये सोहमने अद्वैत अडिकणे याच्यावर ३०-२४ अशा फरकाने विजय नोंदविला. मांडवगणे याने आर्यन साधकरचा ३०-२६ ने पराभव केला तर श्लोक आणि जीव पिल्ले यांच्यातील लढत अतिशय रोमहर्षक ठरली. श्लोकने जीवविरुद्ध ३०-२४ ने विजय नोंदविला. अन्य लढती मात्र एकतर्फी झाल्या.
मुलींमध्ये शार्विका मोकदमने वैष्णवी शर्माचा ३०-२९ असा निसटता पराभव केला. जिगेश इसरानीने आदिती धामणकर ला ३०-२४ अशा फरकाने नमविले.
निकाल १० वर्षे मुले पहिली फेरी : ओजस गेडाम मात बुद्धघोष वासनिक ३०-१०, जिगर देशमुख मात अद्वैत मिस्त्री ३०-१४, चैतन्य चौधरी मात श्रीहरी करंदीकर ३०-११, रिशांक चुटके मात रंजन रामानी ३०-२१, ओम अग्रवाल मात देवांग दमकोंडावार ३०-१८, सोहम के. मात अद्वैत अडिकणे ३०-२४, अभिषेक कानिटकर मात कार्तिक तिवरखेडे ३०-८.